மின்னம்பலம் மின்னம்பலம்
மாலை 7, திங்கள், 16 செப் 2019

புதிய தொழில் தொடங்குபவருக்கு சலுகை!

புதிய தொழில் தொடங்குபவருக்கு சலுகை!

தொழில் முனைவோருக்கு நிவாரணம் அளிக்கும் வகையில், முதலீட்டாளர்களிடமிருந்து பெறப்படும் உள்பட மொத்த முதலீடு 10 கோடி ரூபாய்க்குள் இருந்தால், அத்தொழில்களுக்கு வரிச்சலுகை அளிக்க மத்திய அரசு அனுமதியளித்துள்ளது.

மத்திய வர்த்தக மற்றும் தொழில் துறை அமைச்சகம் வெளியிட்டுள்ள அறிக்கையில், ’ஒரு புதிய ஸ்டார்ட் அப் தொழிலில் முதலீடு செய்யும் முதலீட்டாளரின் நிகர மதிப்பு 2 கோடி ரூபாயாக இருக்க வேண்டும் அல்லது அவரின் முந்தைய மூன்று நிதியாண்டுகளின் சராசரி வருமானம் 25 லட்சம் ரூபாய்க்கு அதிகமாக இருக்க வேண்டும். திருத்தங்கள் அறிமுகப்படுத்தப்பட்டு வெளியிடப்படும் இந்த அறிவிப்பினால், ஸ்டார்ட் அப் நிறுவனங்களுக்கு எளிதாக நிதியுதவி கிடைப்பதோடு, தொழில் தொடங்குதல் எளிதாக்கப்பட்டு, ஸ்டார்ட் அப் தொழில்கள் மேம்படும். மேலும், தொழில் முனைதல் ஊக்குவிக்கப்படுவதோடு வேலைவாய்ப்புகளும் உருவாக்கப்படும்’ என்று கூறப்பட்டுள்ளது.

ஏப்ரல் 1, 2016க்கு பிறகு தனியார் நிறுவனமாகவோ, லிமிடட் லயபிலிட்டி கூட்டணியாகவோ சேர்த்துக்கொள்ளப்பட்ட அனைத்து நிறுவனங்களும் இந்த வரிச் சலுகைகளுக்குத் தகுதி பெற்றவையாகும். இந்தச் சலுகைகளைப் பெற்றுக்கொள்ள எட்டு உறுப்பினர்களைக் கொண்ட அமைச்சரவை சான்றிதழ் குழுவை ஸ்டார்ட் அப் நிறுவனங்கள் அணுகிக் கொள்ள வேண்டும் என்றும் அறிவிக்கப்பட்டுள்ளது.

சனி, 14 ஏப் 2018

chevronLeft iconமுந்தையது
அடுத்ததுchevronRight icon