மின்னம்பலம் மின்னம்பலம்
ஞாயிறு, 17 நவ 2019

ஹெச் 4 விசா வைத்திருப்பவர்களுக்கு ஓர் நற்செய்தி!

ஹெச் 4 விசா வைத்திருப்பவர்களுக்கு ஓர் நற்செய்தி!

அமெரிக்காவில் ஹெச் 4 விசா பெற்று பணியாற்ற முடியாமல் இருப்பவர்கள் ஹெச்-1B விசா பெற வரும் ஏப்ரல் 2ஆம் தேதி முதல் விண்ணப்பிக்கலாம் என அமெரிக்க குடியமர்வு அதிகாரிகள் தெரிவித்துள்ளனர்.

அமெரிக்க அதிபராக டொனால்ட் ட்ரம்ப் பதவியேற்ற பின்னர் அந்த நாட்டில் குடியேறியிருக்கும் மற்றும் புதிதாகக் குடியேறும் வெளிநாட்டினருக்கு குடியமர்வு சட்ட விதிகளில் பல்வேறு மாற்றங்களைக் கொண்டுவந்தார். அது மட்டுமின்றி (பை அமெரிக்கன் அண்ட் ஹைர் அமெரிக்கன்) `அமெரிக்க பொருட்களை வாங்குங்கள், அமெரிக்காவைச் சேர்ந்தவர்களுக்கு பணியில் முன்னுரிமை வழங்குங்கள்' என்கிற கொள்கையையும் முன்வைத்தார். இதனால் அதிகம் பாதிக்கப்பட்டவர்கள் ஹெச்-1B விசா பெற்றவர்களைச் சார்ந்து ஹெச் 4 விசாவுடன் அமெரிக்காவில் குடியேறியவர்கள்தான். ட்ரம்பின் இந்த நடவடிக்கையால் ஹெச் 4 விசா உள்ளவர்கள் அங்கு பணியாற்ற முடியாத நிலை ஏற்பட்டது. இதனையடுத்து தற்போது இதில் சில கட்டுப்பாடுகளைப் புகுத்தி ஏப்ரல் 2ஆம் தேதி முதல் ஹெச்-1B விசாவை விண்ணப்பிக்கலாம் என அமெரிக்க குடியமர்வு அதிகாரிகள் தெரிவித்துள்ளனர்.

தற்போது ஹெச்-1B விசா வழங்குவதில் சில கட்டுப்பாடுகள் உள்ளன. இத்திட்டத்தின் கீழ் புதிதாக 65,000 பேருக்கு மட்டுமே ஹெச்-1B விசா வழங்கப்படுகிறது. மேலும் அங்கு முதுகலைப் பட்டம் பெற்றவர்களுக்கு (அமெரிக்காவில் மாஸ்டர் பட்டம் பெற்றிருக்க வேண்டும்) கூடுதலாக 20,000 ஹெச்-1B விசா வழங்கப்படுகிறது.

1997ஆம் ஆண்டு ஹெச்-1B மற்றும் ஹெச் விசா வைத்திருப்பவர்களைச் சார்ந்து அமெரிக்காவில் குடியேறியவர்கள் 47,206ஆக இருந்த எண்ணிக்கை 2017ஆம் ஆண்டில் 1.36 லட்சமாக அதிகரித்தது. அமெரிக்காவில் தற்போது அதிகளவில் ஹெச் 4 விசா வைத்திருப்பவர்கள் இந்தியா, சீனா, மெக்சிகோ ஆகிய நாட்டைச் சேர்ந்தவர்கள் என்பது குறிப்பிடத்தக்கது.

வெள்ளி, 30 மா 2018

chevronLeft iconமுந்தையது
அடுத்ததுchevronRight icon