மின்னம்பலம் மின்னம்பலம்
பகல் 1, செவ்வாய், 17 செப் 2019

குறையும் டிஜிட்டல் விளம்பரச் செலவுகள்!

குறையும் டிஜிட்டல் விளம்பரச் செலவுகள்!

2018ஆம் ஆண்டில் இந்தியாவின் மொத்த விளம்பரச் செலவுகளில் டிஜிட்டல் விளம்பரங்களின் பங்கு குறைவாகவே இருக்கும் என்றும், செய்தித்தாள் விளம்பரங்களில் மேற்கொள்ளப்படும் செலவுகள் அதிகமாக இருக்கும் எனவும் ஆய்வு ஒன்றில் தெரிவிக்கப்பட்டுள்ளது.

இதுகுறித்து ஆய்வு மேற்கொண்டுள்ள ஜெனித் நிறுவனம் வெளியிட்டுள்ள அறிக்கையில், ‘2018ஆம் ஆண்டில் இந்தியாவில் விளம்பரங்களுக்காக மேற்கொள்ளப்படும் ஒட்டுமொத்தச் செலவுகள் 8.4 சதவிகித உயர்வுடன் ரூ.58,422 கோடியாக உயரும். இதில் செய்தித்தாள் விளம்பரங்களுக்காக மேற்கொள்ளப்படும் செலவுகளின் பங்கு மட்டும் 39 சதவிகிதமாக இருக்கும். அதாவது செய்தித்தாள் விளம்பரங்களுக்கான செலவுகள் ரூ.28,670 கோடி மதிப்பைக் கொண்டிருக்கும். செய்தித்தாள் விளம்பரங்களைத் தொடர்ந்து தொலைக்காட்சிகளில் மேற்கொள்ளப்படும் விளம்பரச் செலவுகளானது மொத்தச் செலவுகளில் 36.5 சதவிகிதப் பங்குடன் ரூ.26,927 கோடியாக இருக்கும்.

டிஜிட்டல் மற்றும் இணையதளங்களில் மேற்கொள்ளப்படும் விளம்பரங்களுக்கான செலவுகள் தற்போது குறைவாக இருந்தாலும், வருகிற 2020ஆம் ஆண்டுக்குள் அதன் பங்கு மொத்த விளம்பரச் செலவுகளில் 15.4 சதவிகிதமாக உயரும். 2016ஆம் ஆண்டில் டிஜிட்டல் விளம்பரங்களுக்காக ரூ.7,690 கோடி செலவிடப்பட்ட நிலையில், 2021ஆம் ஆண்டில் டிஜிட்டல் விளம்பரங்களுக்காக ரூ.29,450 கோடி செலவிடப்படும். வளர்ச்சி அடிப்படையில் 2018ஆம் ஆண்டில் டிஜிட்டல் விளம்பரங்களுக்குச் செலவிடும் தொகை 20.4 சதவிகிதம் உயரும். மேலும், டிஜிட்டல் வீடியோக்கள் வாயிலாக மேற்கொள்ளப்படும் விளம்பரச் செலவுகள் ஆண்டுக்கு 40 சதவிகித வளர்ச்சியுடன் 2021ஆம் ஆண்டில் ரூ.7,440 கோடியாக அதிகரிக்கும். 2016ஆம் ஆண்டில் இதன் மதிப்பு ரூ.1,380 கோடியாக இருந்தது’ என்று தெரிவிக்கப்பட்டுள்ளது.

செவ்வாய், 5 டிச 2017

chevronLeft iconமுந்தையது
அடுத்ததுchevronRight icon