மின்னம்பலம் மின்னம்பலம்
வியாழன், 3 டிச 2020

விஜய் ஆண்டனி :அன்புச் செழியனுக்கு ஆதரவு!

விஜய் ஆண்டனி :அன்புச் செழியனுக்கு ஆதரவு!

சினிமா பைனான்சியர் அன்புச் செழியனுக்கு ஆதரவாக விஜய் ஆண்டனி அறிக்கை ஒன்றை வெளியிட்டுள்ளார்.

சசிகுமாரின் கம்பெனி புரொடக்‌ஷன் நிறுவனத்தைக் கவனித்து வந்த அசோக் குமார், நேற்று முன்தினம் (நவம்பர் 21) தற்கொலை செய்துகொண்டார். தற்கொலை செய்துகொள்வதற்கு முன்னால், அவர் எழுதிவைத்த கடிதத்தில், சினிமா ஃபைனான்சியர் அன்புச் செழியன் கொடுத்த நெருக்கடியினால்தான் தற்கொலை செய்துகொள்வதாகக் குறிப்பிட்டிருந்தார். அதைத் தொடர்ந்து, தயாரிப்பாளர்கள் பலரும் அன்புச் செழியன் மீது நடவடிக்கை எடுக்க வேண்டும் என்று கூறி வருகின்றனர். சசிகுமார் அளித்துள்ள புகாரின் அடிப்படையில் காவல்துறை அன்புச் செழியன் மீது வழக்குப் பதிவு செய்து அவரைத் தேடி வருகிறது.

இந்த நிலையில், இயக்குநர் சீனு ராமசாமி, அன்புச் செழியனை ‘உத்தமர்’ என்று குறிப்பிட்டு ட்விட் செய்திருந்தார். தற்போது, இசையமைப்பாளர் மற்றும் நடிகரான விஜய் ஆண்டனியும் அறிக்கை ஒன்றை வெளியிட்டுள்ளார்.

அதில், “நான் கடந்த ஆறு வருட காலமாக, தயாரிப்பாளர் மற்றும் திரைப்பட விநியோகஸ்தர் அன்புச் செழியனிடம் பணம் வாங்கித்தான் படம் எடுத்து வருகிறேன். அதை, முறையாகத் திரும்ப செலுத்தியும் வருகிறேன். இதுநாள் வரை அன்புச் செழியன் என்னிடம் சரியான முறையில்தான் நடந்துவருகிறார்.அனைவரும் அவரை சற்று மிகைப்படுத்தி சித்திரிப்பதாகத் தோன்றுகிறது” என்று குறிப்பிட்டுள்ளார்.

வியாழன், 23 நவ 2017

chevronLeft iconமுந்தையது
அடுத்ததுchevronRight icon