மின்னம்பலம் மின்னம்பலம்
வியாழன், 17 அக் 2019

வறண்ட சருமக்காரர்களே வருத்தம் வேண்டாம் - பியூட்டி ப்ரியா

வறண்ட சருமக்காரர்களே வருத்தம் வேண்டாம் - பியூட்டி ப்ரியா

இந்த மழைக்காலத் தொடக்கத்தில் வறண்ட சருமக்காரர்கள் சற்று வித்தியாசமாகவே தெரிவார்கள்.

இத்தகையவர்களுக்காகவே கைகொடுக்கிறது ஆரஞ்சு பழமும், தேனும். வறண்ட சருமம் உடையவர்கள் மட்டுமல்லாது எண்ணெய் வடியும் முகத்தைக் கொண்டவர்களுக்கும் இந்த இரண்டும் அற்புத மாற்றத்தை ஏற்படுத்திவிடும்.

ஆரஞ்சு பழத்தில் சாத்துக்குடி ஒருவகையென்றால், சுளை சுளையாக காணப்படும் கமலா ஆரஞ்சு இந்த குளிர் சீசனில் அதிகமாகவே சந்தைகளில் கிடைக்கும்.

வைட்டமின் ஏ மற்றும் சி சத்துகள் அதிகம் நிறைந்த இந்தப் பழத்தை தொடர்ந்து சாப்பிட்டு வந்தால், மேனி மினுமினுப்படைவது உத்தரவாதமான ஒன்று என்கிறார்கள் அழகுக் கலை நிபுணர்களும், டயட்டீசன்களும்.

பொதுவாக மேனி வறண்டு போகாமல் இருக்க வழக்கமாகக் கூறப்படும் ஆலோசனை, அதிக அளவில் தண்ணீர் அருந்துவது. அது ஒரு வகையில் பலனளிக்கும் என்றாலும், ஆரஞ்சு மற்றும் தேன் ஆகியவை புரியும் மாயஜாலம் அதி அற்புதமானவை என்கிறார்கள் நிபுணர்கள்.

ஆரஞ்சு பழ சுளைகளை உண்டுவிட்டு அதன் தோலை தூக்கி எறிந்துவிடாமல், அதை காயவைத்து பவுடராக்கித் தண்ணீருடன் குழைத்து முகம் மற்றும் கைகளில் தடவி, சிறிது நேரம் கழித்து கழுவினால் வறண்ட சருமம் போயே போச்!

அதே போன்று அரை மூடி எலுமிச்சைப் பழச்சாறில் ஒரு டம்ளர் சுடுநீரை கலந்து, அதனுடன் ஓரிரு டீஸ்பூன் தேனை கலந்து காலையில் வெறும் வயிற்றில் குடித்து வந்தால், மேனி மினுமினுப்படைவதோடு, உடம்பில் உள்ள தேவையற்ற சதைகள் குறைந்து உடம்பும் ‘சிக்’கென்று இருக்கும்.

எண்ணெய் சருமம் உடையவர்கள் ரோஸ் வாட்டரை ஒரு பஞ்சில் நனைத்து தடவ, சருமம் மினுமினுக்கும்.

தோலில் தழும்புகள், கீறல் வடுக்கள் போன்றவை உள்ளவர்கள் தக்காளி பழக்கூழுடன், தயிர் கலந்து தடவி சிறிது நேரம் காயவிட்டு, பின் கழுவி வர தழும்புகள் மறையும்.

உன் தோள்மீது சாய்ந்துகொண்டே இனி உங்கள் தோலின் மினுமினுப்பை கொண்டாடப் போகின்றனர் உங்களன்பானவர்கள்!

செவ்வாய், 31 அக் 2017

chevronLeft iconமுந்தையது
அடுத்ததுchevronRight icon