மின்னம்பலம் மின்னம்பலம்
செவ்வாய், 10 அக் 2017

வாட்ஸ்அப் வடிவேலு

வாட்ஸ்அப்  வடிவேலு

இங்கு நல்ல மீன்கள் விற்கப்படும்

ஓர் ஊரில் ஏழை மீனவன் ஒருவன் இருந்தான். அவனுடைய அம்மாவுக்குக் கண்பார்வை இல்லை. அவனுக்கு வெகு நாள்களாகக் குழந்தையும் இல்லை. ஒருநாள் அவன் கடலுக்கு மீன் பிடிக்கச் சென்றான். அப்போது, கரையில் ஒதுங்கிக் கிடந்த பெரிய மீனொன்று அவனைப் பார்த்துக் கெஞ்சியது:

“மீனவனே, நான் சாதாரண மீன் இல்லை. கடலில் உள்ள மீன்களுக்கெல்லாம் தலைவன். ஆழ்கடலில் வசிக்கும் நான், ஒரு பெரிய அலையில் சிக்கி இந்தக் கரைப் பகுதிக்கு வந்துவிட்டேன். இப்போது, நீந்த முடியாத அளவுக்கு மிகவும் சோர்வாக உள்ளேன். எனக்கு ஓர் உதவி செய் மீனவனே. என்னை பத்திரமாக ஆழ்கடலுக்குக் கொண்டுபோய்ச் சேர்த்துவிட்டால் உனக்கு ஒரு வரம் தருவேன்.”

மீனவன் அந்த மீனைத் தூக்கி படகில் போட்டான். மிகவும் கஷ்டப்பட்டு படகைச் செலுத்திக் கொண்டுபோய் மீனை நடுக்கடலில் விட்டான். பிறகு, என்ன வரம் கேட்பது என்று யோசித்தான். அவனால் ஒரு முடிவு எடுக்க முடியவில்லை. எனவே அவன் சொன்னான்:

“மீன்களின் ராஜாவே, நீ சொன்னபடி நான் செய்துவிட்டேன். ஆனால், என்ன வரம் கேட்பது என்று எனக்கு இப்போது தெரியவில்லை. வீட்டுக்குச் சென்று மற்றவர்களிடம் கலந்து ஆலோசித்துவிட்டு நாளை வந்து கேட்கிறேன்.”

மீனும், “நீ ஒரே ஒரு வரம்தான் கேட்க வேண்டும்” என்று நினைவுபடுத்தி நன்றி கூறிச்சென்றது. மீனவன் வீட்டுக்குச் சென்றான். வீட்டில் பெற்றோரிடமும், மனைவியிடமும் நடந்ததைக் கூறினான். மீனிடம் என்ன வரம் கேட்பது என்று ஆலோசித்தான்.

அவனது தந்தை கூறினார்: “மகனே, நாம் நெடுங்காலமாக இந்த ஓட்டைக் குடிசையில்தான் வாழ்ந்து வருகிறோம். நமக்கு ஒரு நல்ல வீடு வேண்டும் என்று ராஜா மீனிடம் கேளேன்...?”

அடுத்ததாக அவனது அம்மா சொன்னார்: “மகனே, எனக்குக் கண் தெரியாமல் மிகவும் சிரமமாக இருக்கிறது. என் கண்கள் பார்வை பெற வேண்டும் என்று அந்த மீனிடம் கேள்...”

கடைசியாக மனைவி கேட்டாள்: “நமக்குத் திருமணம் ஆகி பல வருடங்கள் ஆகிவிட்டன. இன்னும் நமக்கு ஒரு குழந்தை இல்லை. எனவே, அந்த மீனிடம் நமக்கு ஒரு குழந்தை வேண்டும் என்று கேளுங்கள்.”

மறுநாள், அந்த மீனவன் கடலுக்குச் சென்று ராஜா மீனிடம் ஒரே ஒரு வரம்தான் கேட்டான். அந்த ஒரு வரத்தில் அவன் பெற்றோரின் ஆசையும், அவன் மனைவியின் விருப்பமும் நிறைவேறின. அப்படி அவன் என்ன வரம் கேட்டான்?

விடை: “என் மகன் கீழே விளையாடிக் கொண்டிருப்பதை, எங்கள் வீட்டு மாடியிலிருந்து என் பெற்றோர் பார்த்து மகிழ வேண்டும்” என்பதுதான் அவன் கேட்ட வரம்.

நீதி: உங்கள் உடன் வாழ்பவர்களின்மீது உங்களுக்கு ஆழமான அன்பும் அக்கறையும் பாசமும் இருப்பின்.. அந்த எண்ணமானது உங்களை அறியாமலேயே உங்கள் புத்திகூர்மையையும் முடிவெடுக்கும் திறமையையும் இயல்பாகவே வெளிப்படுத்தும்.

இப்படி ஒரு மெசேஜ் வந்துச்சு... நல்லாத்தான் இருக்கு... ஆனா இப்பல்லாம், மனிதாபிமானம்... அப்படின்னா என்ன புது டிஷ்ஷான்னு கேக்குறாங்க.

அவசரத்துல சிக்னல்ல ஹாரன் அடிச்சா சரி... எப்பவுமேன்னா எப்படி... யார் எப்படி போனா என்ன, எனக்கு சின்ன கேப் கிடைக்குதா... முன்னாடி போயி நிக்கணும். 5 நிமிஷம் லேட்டா போனா ஆஃப் டே லீவாகிடும் என்ற முற்போக்கு சிந்தனை.

‘என் பையன் காலேஜ்லேயே ஒன்ன உஷார் பண்ணி தனிக்குடித்தனம் போய்டுவான். மக, கல்யாணம் ஆனதும் கெளம்பிடும். எல்லாம் அவங்கவங்கள பார்த்துப்பாங்க. எனக்கு? என்ன நான்தான் பார்த்துக்கணும். நான் நல்லா இருக்கணும் அவ்ளோதான்’ - இதான் இன்றைய நிலைமை.

இப்பல்லாம் நம்மாளுங்க செம உஷாரு... ஒரே வரம்தான் கேக்கணும்... இந்த மாதிரி வரம் கொடுக்கும் மீனு 100 கிலோ வேணும்னு கேட்பானுங்க.

தொடரும்...

- கிரேஸி கோபால்

வாட்ஸ்அப் வடிவேலு 1

வாட்ஸ்அப் வடிவேலு 2

வாட்ஸ்அப் வடிவேலு 3

வாட்ஸ்அப் வடிவேலு 4

வாட்ஸ்அப் வடிவேலு 5

வாட்ஸ்அப் வடிவேலு 6

வாட்ஸ்அப் வடிவேலு 8

வாட்ஸ்அப் வடிவேலு 9

வாட்ஸ்அப் வடிவேலு 10

வாட்ஸ்அப் வடிவேலு 11

வாட்ஸ்அப் வடிவேலு 12

வாட்ஸ்அப் வடிவேலு 13

வாட்ஸ்அப் வடிவேலு 14

வாட்ஸ்அப் வடிவேலு 15

வாட்ஸ்அப் வடிவேலு 16

வாட்ஸ்அப் வடிவேலு 17

வாட்ஸ்அப் வடிவேலு 18

வாட்ஸ்அப் வடிவேலு 19

வாட்ஸ்அப் வடிவேலு 20

வாட்ஸ்அப் வடிவேலு 21

வாட்ஸ்அப் வடிவேலு 22

வாட்ஸ்அப் வடிவேலு 23

செவ்வாய், 10 அக் 2017

chevronLeft iconமுந்தையது
அடுத்ததுchevronRight icon