மின்னம்பலம் மின்னம்பலம்
காலை 7, வெள்ளி, 18 அக் 2019

வோக்ஸ்வாகன் வாகன விற்பனை அதிகரிப்பு!

வோக்ஸ்வாகன் வாகன விற்பனை அதிகரிப்பு!

வோக்ஸ்வாகன் நிறுவனத்தின் வாகனங்கள் விற்பனை கடந்த செப்டம்பர் மாதத்தில் 7.1 சதவிகிதம் உயர்ந்து கடந்த மூன்று வருடங்களில் அதிகபட்ச உயர்வைப் பதிவு செய்துள்ளது. ஜெர்மனியைச் சேர்ந்த ஆட்டோமொபைல் தயாரிப்பு நிறுவனமான வோக்ஸ்வாகன் செப்டம்பர் மாதத்துக்கான வாகன விற்பனை குறித்து தகவல் வெளியிட்டுள்ளது. அதில், செப்டம்பர் மாதத்தில் மட்டும் சுமார் 9,47,600 புதிய வாகனங்கள் பதிவு செய்யப்பட்டுள்ளதாகத் தெரிவித்துள்ளது. ஆனால், முந்தைய 2015ஆம் ஆண்டின் செப்டம்பர் மாதத்தில் 8,85,200 புதிய வாகனங்கள் மட்டுமே பதிவு செய்யப்பட்டிருந்தன என்பது குறிப்பிடத்தக்கது.

முன்னதாக கடந்த 2014ஆம் ஆண்டின் ஏப்ரல் மாதத்தில் வாகன விற்பனை 8.2 சதவிகிதம் உயர்ந்திருந்தது. அதைத் தொடர்ந்து அதிகமான புகை வெளியிடுவதாக எழுந்த புகார்களால் வோக்ஸ்வாகன் கார்களின் விற்பனை மந்தமாகவே இருந்தது. அதைத் தொடர்ந்து தற்போது இந்த செப்டம்பர் மாதத்தில் விற்பனை 7.1 சதவிகிதம் உயர்ந்துள்ளது. இந்நிறுவனத்தின் மிகப்பெரிய சந்தையான சீனாவில் விற்பனை 20 சதவிகிதம் அதிகரித்துள்ளது. அதேபோல, வோக்ஸ்வாகன் நிறுவனத்தின் ஒட்டுமொத்த வாகனங்கள் விற்பனையில் ஐரோப்பாவில் மட்டும் 40 சதவிகித வாகனங்கள் விற்பனை செய்யப்பட்டுள்ளது.

சனி, 15 அக் 2016

chevronLeft iconமுந்தையது
அடுத்ததுchevronRight icon