சந்திரயான் 3 விண்கலத்தின் முதல் சுற்றுப்பாதையை உயர்த்தும் பணி வெற்றிகரமாக நடைபெற்றுள்ளதாக இஸ்ரோ விஞ்ஞானிகள் மகிழ்ச்சி தெரிவித்துள்ளனர்.
நிலவின் தென் துருவத்தை ஆராய்வதற்காக LVM3 ராக்கெட் மூலம் சந்திரயான் 3 வெற்றிகரமாக கடந்த 14ஆம் தேதி விண்ணில் ஏவப்பட்டது. பின்னர் பூமியின் தரைபரப்பில் இருந்து 170கி.மீ நீள்வட்டப்பாதையில் சந்திரயான் 3 நிலைநிறுத்தப்பட்டது.
இந்த நீள்வட்டபாதையில் இருந்து நெடுந்தொலைவுக்கு தள்ளிவிட்டால் தான் விண்கலத்தை நிலவின் சுற்றுப்பாதைக்கு கொண்டு செல்ல முடியும்.
அதன்படி சந்திரயான் 3 விண்கலத்தின் முதல் சுற்றுப்பாதையை உயர்த்தும் பணியை இஸ்ரோ விஞ்ஞானிகள் வெற்றிகரமாக நிகழ்த்தியுள்ளனர்.
இதன்மூலம் பூமியின் தரைபரப்பில் இருந்து 173 கி.மீ உயரத்தில் நீள்வட்டப்பாதையில் சந்திரயான் 3 நிலைநிறுத்தப்பட்டது.
பூமிக்கும் நிலவுக்கும் இடையே சுமார் 4 லட்சம் கி.மீ தூரம் இடைவெளி உள்ளது. இந்நிலையில், ஏவப்பட்டுள்ள சந்திரயான் 3 விண்கலம் தற்போது 41,762 கி.மீ தூரத்தில் உள்ளது.
சந்திரயான் விண்கலம் தற்போது சீரான நிலையில் பயணித்து கொண்டிருப்பதாக இஸ்ரோ தெரிவித்துள்ளது.
மேலும் வருகிற ஜூலை 18,20 மற்றும் 25ஆம் தேதிகளில் சந்திரயான் 3 விண்கலத்தின் புவி சுற்றுப்பாதை அடுத்தடுத்து உயர்த்தப்படும்.
அப்போது பூமியிலிருந்து சுமார் 1 லட்சம் கி.மீட்டர் தூரத்தில் சந்திரயான் பயணித்திருக்கும் என்று விஞ்ஞானிகள் தெரிவித்துள்ளனர்.
அதன் தொடர்ச்சியாக வரும் ஆகஸ் 23ஆம் தேதி நிலவின் தென் துருவத்தை சந்திரயான் விண்கலம் சென்றடையும் என்று எதிர்பார்க்கப்படுகிறது.
கிறிஸ்டோபர் ஜெமா