வங்கக்கடலில் ’ரீமால்’ புயல் உருவாவதில் தாமதம்!

வங்கக்கடலில் இன்று மாலை ரீமால் புயல் உருவாக உள்ளதாக தெரிவிக்கப்பட்ட நிலையில், புயல் உருவாவதில் தாமதம் ஏற்பட்டுள்ளதாக வானிலை ஆய்வு மையம் தெரிவித்துள்ளது.

மத்திய மேற்கு வங்கக்கடல் மற்றும் அதனை ஒட்டிய தெற்கு வங்கக்கடல் பகுதிகளில் மே 22ஆம் தேதி குறைந்த காற்றழுத்த தாழ்வு பகுதி உருவானது. இதன் தொடர்ச்சியாக மே 23ஆம் தேதி காற்றழுத்த தாழ்வு பகுதியாக இது வலுப்பெற்றது.

இந்த காற்றழுத்த தாழ்வு பகுதி தாழ்வு மண்டலமாக வலுப்பெற்று வடகிழக்கு திசையில் நகர்ந்து மத்திய கிழக்கு வங்கக்கடல் பகுதியில் தீவிர புயலாக வலுபெரும். வங்கதேசம் மற்றும் அதனை ஒட்டி உள்ள மேற்கு வங்கக் கடற்கரையில் இந்த புயல் கரையை கடக்கும் என்று வானிலை மையம் தெரிவித்திருந்தது.

இந்நிலையில், வங்கக்கடலில் நிலவும் குறைந்த காற்றழுத்த தாழ்வு மண்டலம், புயலாக வலுபெறுவதில் தாமதம் ஏற்பட்டுள்ளதாக தெரிவிக்கப்பட்டுள்ளது.