60 வயதில் உலக அழகி பட்டம்: மகுடம் சூடிய மரிச ரோட்ரிகுயஸ்

Published On:

| By Selvam

அர்ஜெண்டினா தலைநகர் பியூனஸ் அயர்ஸில் நடந்த உலக அழகி போட்டியில் 60 வயதான அலெஜாண்ட்ரா மரிச ரோட்ரிகுயஸ் பட்டம் வென்றவராக அறிவிக்கப்பட்டுள்ளார். இதன்மூலம் அதிக  வயதில் அழகிப்போட்டியில் பட்டம் வென்ற பெண் என்ற பெருமையை அவர் பெற்றுள்ளார்.

உலக அழகிப்போட்டியில் இதற்கு முன்பு வரை 18-28 வயதுடைய பெண்கள் மட்டுமே கலந்துகொள்ள முடியும் என்ற விதிமுறை இருந்தது. ஆனால், அந்த வயது வரம்பைக் கடந்தாண்டுதான் மிஸ் யுனிவர்ஸ்அமைப்பு நீக்கியது.

இதன் மூலம் 18 வயதுக்கு மேற்பட்ட எந்த பெண்ணும் இந்த போட்டியில் கலந்து கொள்ள முடியும் என்ற நிலை உருவானது.

அதன்பின் டொமினிகன் குடியரசில் நடந்த மிஸ்யுனிவர்ஸ் 2024இல் 47 வயதான ஹெய்டி குரூஸ் என்பவர் வெற்றி பெற்றிருந்தார்.

அதன் பிறகு 60 வயதில் அலெஜாண்ட்ரா மரிச ரோட்ரிகுயஸ் வெற்றி பெற்று அதிக வயதில் உலக அழகி பட்டம் பெற்றவர் என்ற சாதனையை படைத்துள்ளார்.

இது தொடர்பாக பேசியுள்ள அலெஜாண்ட்ரா மரிச ரோட்ரிகுயஸ், “உலக அழகிப்போட்டியில் 18 முதல் 28 வயதுடையவர்கள் மட்டுமே பங்கேற்க முடியும் என்ற விதி தளர்த்தப்பட்ட நிலையில் இது சாத்தியமாகியுள்ளது.

அழகுக்கு வயது வரம்பு இல்லை. அடுத்த மாதம் அங்கு நடக்கும் மிஸ் யுனிவர்ஸ் அர்ஜெண்டினா போட்டியில் எப்படியாவது வெல்ல வேண்டும் என்பதே தனது இலக்கு” என்று  தெரிவித்துள்ளார்.

அவரது நேர்த்தியும், நளினமும், புன்னகையும் தான் அவர் வெல்லக்  காரணம் என்று போட்டியின் நடுவர்கள் கூறியுள்ளனர்.

அர்ஜெண்டினாவின் பியூனஸ் அயர்ஸ் பகுதியைச் சேர்ந்த இவர், பல ஆண்டுகளாக வழக்கறிஞராக வேலை செய்து வருகிறார். அங்கு சில காலம் பத்திரிகையாளராகவும் பணியாற்றியுள்ளார்.

ராஜ்

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…

சண்டே ஸ்பெஷல்: மாம்பழம் வாங்கப் போறீங்களா… இதை கவனிங்க!

“கேட்டதோ 37,907 கோடி, வந்ததோ 276 கோடி”: மத்திய அரசை சாடிய ஸ்டாலின்

துன்பமாக இருப்பதை எப்படி நிறுத்துவது?

’இனிமேல்’ மியூசிக் வீடியோ: கமல் – ஸ்ருதி கியூட் உரையாடல்!

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!
Join Our Channel