திருப்பதி திருமலை கோயிலில் இந்த வார இறுதியில் பெருந்திரளான பக்தர்கள் வருவார்கள் என எதிர்பார்க்கப்படுவதால் மூத்த குடிமக்கள், மாற்றுத்திறனாளிகள் யாத்திரையை ஒத்திவைக்குமாறு தேவஸ்தானம் அறிவுறுத்தியுள்ளது.
இந்த வாரம் முடிவில் ஆகஸ்ட் 13 முதல் 15 வரை தொடர் விடுமுறை வருகிறது. இந்த நாட்களில் கூட்டம் அலைமோதும் என்பதால் மூத்த குடிமக்கள், மாற்றுத்திறனாளிகள் மற்றும் கைக்குழந்தையுடன் உள்ள பெற்றோர்கள் திருப்பதி யாத்திரையை ஒத்திவைக்குமாறு திருமலை திருப்பதி தேவஸ்தானம் வலியுறுத்தியுள்ளது.
மேலும் ஆகஸ்ட் 19 வரை பக்தர்கள் கூட்டம் எதிர்பார்ப்பதை விட அதிகமாகவே காணப்படும் என்பதால், கோயிலுக்கு வருகை தரும் பக்தர்கள் நீண்ட நேரம் வரிசையில் காத்திருக்கவும், பொறுமையைக் கடைப்பிடிக்க வேண்டும் என்றும் தெரிவித்துள்ளது.
மேலும், மங்களகரமான புரட்டாசி மாதம் செப்டம்பர் 18 முதல் தொடங்கி அக்டோபர் 17 வரை நீடிக்கும். இக்காலத்தில் திருமலை கோயிலுக்கு வருவோர் எண்ணிக்கை வழக்கத்தைவிட கூடுதலாக இருக்கும் என்பதால், அக்டோபர் 17-க்குப் பின் மேலே குறிப்பிட்டவர்கள் தங்கள் பயணத்தை திட்டமிட்டுக் கொள்ளுமாறு அறிவுறுத்தப்பட்டுள்ளது.
-ராஜ்
சாட்சி சொல்ல மக்கள் முன்வருவதில்லை : நீதிபதி வேதனை!
