தமிழகத்துக்கு நவம்பர் 6 வரை கனமழை இருப்பதாக வானிலை ஆய்வு மையம் தெரிவித்துள்ளது.
வடக்கடலோர இலங்கை மற்றும் அதனை ஒட்டிய தென் தமிழக கடலோரப் பகுதியில் மேல் நிலவும் வளிமண்டல கீழடுக்கு சுழற்சியின் காரணமாகவும், வடகிழக்கு பருவக்காற்றின் தீவிரம் காரணமாகவும் தமிழகத்தின் பல்வேறு மாவட்டங்களில் கடந்த 3 நாட்களாகக் கன மழை பெய்து கொண்டிருக்கிறது.
இந்நிலையில், தமிழ்நாடு, காரைக்கால் மற்றும் புதுவை பகுதிகளில் இன்று கனமழைக்கு வாய்ப்பிருப்பதால் நிர்வாக ரீதியிலான மஞ்சள் நிற எச்சரிக்கை கொடுக்கப்பட்டுள்ளது.
ஏற்கனவே ஆரஞ்சு அலர்ட் விடுக்கப்பட்டிருந்த நிலையில், அது மஞ்சள் அலர்ட்டாக குறைக்கப்பட்டுள்ளது.
வரும் 6 ஆம் தேதி வரை கனமழை தொடர வாய்ப்பு என இந்திய வானிலை ஆய்வு மையம் அறிவித்துள்ளது.
சென்னையைப் பொறுத்தவரை, அடுத்த 2 மணி நேரத்திற்குள்ளாக வாலாஜாபாத்,வண்டலூர்,வேளச்சேரி, பூவிருந்தவல்லி, ஸ்ரீபெரும்புதூர், அம்பத்தூர்,மாதவரம், அமைந்தகரை,
அயனாவரம், திருவொற்றியூர் பகுதிகளில் மழை பெய்வதற்கான வாய்ப்பு உள்ளது என்று 11 மணியளவில் சென்னை வானிலை ஆய்வு மையம் தெரிவித்துள்ளது.
பிரியா