நாடாளுமன்ற குளிர்கால கூட்டத் தொடர் இன்று டிசம்பர் 1-ந் தேதி தொடங்குகிறது. இந்த கூட்டத் தொடரில் அணுசக்தி துறையில் தனியாருக்கு அனுமதி அளிப்பது உள்ளிட்ட சர்ச்சைக்குரிய மசோதாக்களை தாக்கல் செய்ய மத்திய அரசு திட்டமிட்டுள்ளது.
நாடாளுமன்ற குளிர்கால கூட்டத் தொடர் இன்று தொடங்கி டிசம்பர் 19-ந் தேதி வரை 15 அமர்வுகளாக நடைபெறும். பீகார் சட்டமன்ற தேர்தலில் பாஜக கூட்டணியின் பிரம்மாண்டமான வெற்றிக்கு காரணமே வாக்கு திருட்டு என எதிர்க்கட்சிகள் புகார் கூறி வருகின்றன; தமிழ்நாடு உட்பட 12 மாநிலங்களில் மேற்கொள்ளப்படும் வாக்காளர் பட்டியல் சிறப்பு தீவிர திருத்த நடவடிக்கைக்கு கடும் எதிர்ப்பு தெரிவிக்கப்பட்டு வருகிறது. இந்த விவகாரங்களை நாடாளுமன்றத்தில் எதிர்க்கட்சிகள் எழுப்ப இருக்கின்றன.
மேலும்
- அணுசக்தி துறையில் தனியாரை அனுமதிக்கும் அணுசக்தி மசோதா 2025
- தேசிய கல்வி கொள்கையின் ஒரு பகுதியாக அனைத்து உயர் கல்விகளையும் ஒருங்கிணைக்கும் உயர்கல்வி ஆணைய மசோதா
- காப்பீட்டுத் துறையில் அன்னிய நேரடி முதலீட்டை 100% ஆக உயர்த்தும் காப்பீட்டு சட்ட திருத்தங்கள் மசோதா,
- பங்கு சந்தைகளை சீரமைக்கும் மசோதா
- பெருநிறுவனங்கள் சட்ட திருத்த மசோதா
- தேசிய நெடுஞ்சாலைகள் மசோதா
- மத்திய கலால் சட்ட திருத்த மசோதா உள்ளிட்டவையும் நடப்பு நாடாளுமன்ற குளிர்கால கூட்டத் தொடரில் நிறைவேற்றப்பட உள்ளன.
மேலும் டெல்லி செங்கோட்டை அருகே நிகழ்த்தப்பட்ட கார் குண்டு வெடிப்பு சம்பவம் தொடர்பாகவும் நாடாளுமன்றத்தின் இரு அவைகளிலும் எதிர்க்கட்சிகள் கேள்வி எழுப்ப இருக்கின்றன.