தமிழ் சினிமாவில் முன்னணி நடிகர்களில் ஒருவராக இருக்கும் சிவகார்த்திகேயன் நடித்த படங்களுக்கு இதுவரையில் அனிருத், இமான் ஆகியோர் தான் அதிகமாக இசையமைத்துள்ளார்கள். மற்ற இசையமைப்பாளர்கள் ஒரு சில படங்களுக்கு மட்டுமே இசையமைத்துள்ளனர். தற்போது சிவகார்த்திகேயன் நடித்து வரும் ‘டான்’ படத்திற்கு அனிருத் தான் இசையமைப்பாளர்.
சிவகார்த்திகேயனின் 21ஆவது படத்திற்கு தமன் தான் இசையமைக்க உள்ளார். இன்று தனது பிறந்தநாளைக் கொண்டாடி வரும் தமனுக்கு தமிழ், தெலுங்கு பிரபலங்கள் பலரும் வாழ்த்து தெரிவித்து வருகிறார்கள்.
தமனுக்கு சிவகார்த்திகேயன் தெரிவித்துள்ள வாழ்த்தில், “இனிய பிறந்நதாள் வாழ்த்துகள் தமன் ப்ரோ, ‘புட்ட பொம்மா’ போல மேலும் பல ஹிட்களைக் கொடுக்க வாழ்த்துகள்,” என்று குறிப்பிட்டுள்ளார். அதற்கு தமன், “பிரதர் சிவகார்த்திகேயன், உங்கள் அன்புக்கு நன்றி, பின்றோம், தட்றோம், தூக்கறோம், எஸ்கே 21” என பதிலளித்துள்ளார்.
சிவகார்த்திகேயனின் 21ஆவது படத்தை ‘ஜதி ரத்னலு’ என்றதெலுங்குப் படத்தை இயக்கிய அனுதீப் இயக்க உள்ளதாக ஏற்கெனவே தகவல் வெளியாகி உள்ளது.
**-இராமானுஜம்**
�,