சந்தானம் குலுகுலு ஃபர்ஸ்ட் லுக்!

நடிகர் சந்தானம் கதையின் நாயகனாக நடித்திருக்கும் ‘குலுகுலு’ படத்தின் முதல் பார்வை வெளியிடப்பட்டுள்ளது. அத்துடன் இந்தப் படம் ஜூன் மாதம் வெளியாகும் என்றும் அதிகாரபூர்வமாக அறிவிக்கப்பட்டிருக்கிறது.
இந்தப் படத்தை சர்க்கிள் பாக்ஸ் என்டர்டெயின்மென்ட் என்ற பட நிறுவனத்தின் சார்பில் தயாரிப்பாளர் எஸ். ராஜ் நாராயணன் தயாரித்திருக்கிறார். சந்தானம் கதையின் நாயகனாக நடிக்க, அவருக்கு ஜோடியாக நடிகைகள் அதுல்யா சந்திரா மற்றும் நமீதா கிருஷ்ணமூர்த்தி ஆகியோர் நடித்திருக்கிறார்கள்.
இவர்களுடன் பிரதீப் ராவத், மரியம் ஜார்ஜ், சாய் தீனா, ‘லொள்ளு சபா’ மாறன், ‘லொள்ளு சபா’ சேசு, டி.எஸ்.ஆர்., பிபின், கவி, ஹரிஷ், யுவராஜ், மாரிதாஸ் உள்ளிட்ட பலர் நடித்திருக்கிறார்கள்.
விஜய் கார்த்திக் கண்ணன் ஒளிப்பதிவு செய்திருக்கும் இந்தப் படத்துக்கு சந்தோஷ் நாராயணன் இசையமைத்திருக்கிறார்.
‘மேயாத மான்’, ‘ஆடை’ ஆகிய படங்களை இயக்கிய இயக்குநரான ரத்னகுமார் படத்தை இயக்கியிருக்கிறார் .இந்தக் ‘குலுகுலு’ படத்தின் படப்பிடிப்பு அண்மையில் நிறைவடைந்தது. தற்போது இதன் இறுதிக்கட்டப் பணிகள் விறுவிறுப்பாக நடைபெற்று வருகிறது. தற்போது இந்தப் படத்தின் முதல் பார்வை வெளியாகியிருக்கிறது. அத்துடன் சந்தானத்தின் ‘குலுகுலு’ ஜூன் மாதம் வெளியாகும் என அறிவிக்கப்பட்டிருப்பதால் அவரது ரசிகர்கள் உற்சாகமடைந்திருக்கிறார்கள்.
**- அம்பலவாணன்**