மின்னம்பலம் மின்னம்பலம்

வெள்ளி 29 ஏப் 2022

திராவிடர்களாக ஒன்று சேர வேண்டியது முக்கியம்: பா.ரஞ்சித்

திராவிடர்களாக ஒன்று சேர வேண்டியது முக்கியம்: பா.ரஞ்சித்

டாக்டர் அம்பேத்கர் பிறந்தநாளை முன்னிட்டு தலித் இலக்கிய மாதம் என ஏப்ரல் மாதத்தை முன்னிறுத்தி வானம் கலைத் திருவிழா எனும் தலைப்பில் கலை மற்றும் இலக்கியம் சார்ந்த பல்வேறு நிகழ்வுகளை நீலம் பண்பாட்டு மையம் நடத்தி வருகிறது.

சென்னை மற்றும் புதுவையில் திரைப்பட விழா மற்றும் ஓவிய, சிற்ப கண்காட்சிகள் நடைபெற்ற நிலையில், அதன் நிறைவாக மதுரையில் "தலித் இலக்கிய கூடுகை" நிகழ்வு இன்று துவங்கியது.உலக தமிழ்ச்சங்க அரங்கில் ஏப்ரல் 29, 30 ஆகிய இரண்டு நாட்கள் நடைபெறும் இந்நிகழ்வில் 30-க்கும் மேற்பட்ட இலக்கியவாதிகள், எழுத்தாளர்கள், ஆராய்ச்சியாளர்கள், விமர்சகர்கள், கவிஞர்கள் பங்கேற்று பல்வேறு தலைப்புகளின் கீழ் உரை, விவாதம் நிகழ்த்த உள்ளனர்.

இதன் தொடக்க நிகழ்வில் பங்கேற்ற இயக்குநர் பா.ரஞ்சித் செய்தியாளர்களிடம் பேசுகையில், "அரசியலுக்கான முக்கியமான வடிவம் கலையும் இலக்கியமும். அதற்காகவே வானம் கலை திருவிழா நடத்தப்பட்டு வருகிறது. இலக்கிய கூடுகையின் நிறைவில் எழுத்தாளர் ராஜ் கௌதமனுக்கு விருது அளித்து கவுரவிக்க உள்ளோம். தமிழ் இலக்கிய சூழலுக்கும் பொது மக்களுக்கும் பெரிய இடைவெளி இருக்கிறது. பொது சமூகம் இலக்கியத்தை கொண்டாடுவது மிக குறைவு. ஆனால், இன்று எழுத்தை வாசிக்கிற இளைஞர்கள் அதிகரித்து உள்ளார்கள்.

தலித் இலக்கிய வகைமை என ஒன்று இருப்பதை எல்லோரும் புரிந்து கொள்ள வேண்டும். இது ஒரு சாதிக்கான கூடுகை கிடையாது. இது தமிழகத்தில், இந்தியாவில் மறுக்கப்பட்ட எழுத்துக்களை பேசுவதற்கான களம். இது பெரிய ஜனநாயக வடிவம். அமெரிக்க, ஆப்ரிக்க கறுப்பர்கள் மற்றும் அரபி இலக்கியங்கள் கொண்டாடப்படும். அதே அளவுக்கு தமிழ், இந்திய சூழலில் தலித் இலக்கியமும் கொண்டாடப்பட்ட வேண்டும்" என்றார்.

இந்தி திணிப்பு விவகாரம் குறித்த கேள்விக்கு, "இந்தியாவில் இந்தி ஆதிக்க மொழியாக இருக்கிறது. இந்தியாவை வட இந்தியா, தென் இந்தியா என பிரித்துப் பார்க்கிறார்கள். தென் இந்தியர்களை விட, வட இந்தியர்கள் உயர்ந்தவர்கள் என்ற எண்ணம் அவர்களுக்கு உள்ளது.எனவே, இந்தியை எப்போதும் ஏற்க மாட்டோம். இந்தியாவில் தமிழ் தான் இணைப்பு மொழியாக இருக்க வேண்டும் என்றார்.

இந்தியாவில் திராவிடர்களுக்கான முக்கியத்துவம் அதிகரிக்க வேண்டும்.திராவிடர்களாக நாம் ஒன்று சேர்ந்து நிற்க வேண்டியது முக்கியம் என நினைக்கிறேன்" என்றார்.

இளையராஜாவின் அம்பேத்கர் - மோடி ஒப்பீடு விமர்சனம் குறித்த கேள்விக்கு, "இளையராஜாவின் செயலுக்கு எதிர்வினை ஆற்றிய நபர்களின் மன நிலையை தான் முதலில் புரிந்து கொள்ள வேண்டும்.அந்த வகையில் அதை எதிர்க்கிறோம்" என்றார்.

- அம்பலவாணன்

வாழ்க்கை ஒரு கனவுதானே: ஏ.ஆர்.ரஹ்மான்

2 நிமிட வாசிப்பு

வாழ்க்கை ஒரு கனவுதானே: ஏ.ஆர்.ரஹ்மான்

சாய் பல்லவி படத்தை வெளியிடும் சூர்யா ஜோதிகா

2 நிமிட வாசிப்பு

சாய் பல்லவி படத்தை வெளியிடும் சூர்யா ஜோதிகா

மாரி செல்வராஜிடம் மன்னிப்பு கேட்ட உதயநிதி

3 நிமிட வாசிப்பு

மாரி செல்வராஜிடம் மன்னிப்பு கேட்ட உதயநிதி

வெள்ளி 29 ஏப் 2022