மின்னம்பலம் மின்னம்பலம்

திங்கள் 18 அக் 2021

தீபாவளிக்கு மாநாடு ரிலீஸ் ஆகுமா? ஆகாதா?

தீபாவளிக்கு மாநாடு ரிலீஸ் ஆகுமா? ஆகாதா?

தமிழகத்தில் தற்போது செயல்பாட்டில் இருப்பது 1,100 திரையரங்குகள் மட்டுமே. கொரோனா காலத்தில் பல திரையரங்குகள் தொழிலை தொடர்வதில் ஆர்வம் காட்டவில்லை. பல திரையரங்குகள் மூடி வைக்கப்பட்டுள்ளன.

கொரோனா இரண்டாம் அலைக்கு பிறகு, அக்டோபர் 1 அன்று வெளியான ருத்ரதாண்டவம் 50% தியேட்டர்களில் திரையிடப்பட்டது. இதில் ஆண்கள், பெண்கள் என கூட்டம் கூடியது.

சிவகார்த்திகேயன் நடிப்பில் அக்டோபர் 9 அன்று வெளியான டாக்டர் படம் 720 திரைகளிலும் ருத்ரதாண்டவம் இரண்டாவது வாரமாக 247 திரைகளிலும் திரையிடப்பட்டது. சுமார் 967 திரைகள் மக்கள் கூட்டங்களால் நிரம்பி வழிந்தது. சென்னை போன்ற நகரங்களில் உள்ள மல்டிபிளக்ஸ் திரைகளில் மட்டுமே 50% டிக்கட்டுகள் விற்பனை என்பது கறாராக அனுமதிக்கப்பட்டது.

புறநகர் பகுதிகளில் வந்தோர்க்கு எல்லாம் டிக்கெட் விற்பனை செய்யப்பட்டது. இந்த நிலையில் தீபாவளி தினமான நவம்பர் 4ம் தேதியன்று ரஜினிகாந்த் நடித்துள்ள அண்ணாத்த, சிலம்பரசன் நடித்துள்ள மாநாடு, விஷால், ஆர்யா நடித்துள்ள எனிமி, அருண் விஜய் நடித்துள்ள வா டீல் ஆகிய படங்கள் வெளியாகும் என்று தயாரிப்பாளர்கள் தரப்பில் அறிவிக்கப்பட்டுள்ளது.

தமிழகத்தில் இருக்கும் 1100 திரைகளில் மட்டுமே நான்கு படங்களும் திரையிட வேண்டும். அண்ணாத்த ஆளுங்கட்சி ஆதரவு, குடும்ப தொலைக்காட்சியின் தயாரிப்பு, மேலும் சிவகார்த்திகேயன் நடித்து வெளியான டாக்டர் 740 தியேட்டர்களில் வெளியானதால் அதற்கு இணையாக அல்லது கூடுதலான திரைகளில் அண்ணாத்த படம் வெளியாகும் என தெரிகிறது.

இந்த நான்குமுனைப் போட்டியிலிருந்து தற்போது மாநாடு படம் விலகும் எனத் தெரிகிறது. இதனால், 'மாநாடு, எனிமி' ஆகிய படங்களுக்கு அதிகபட்சமாக தலா 200 தியேட்டர்கள் கிடைத்தாலே அதிகம் என்கிறார்கள்.

எனவே, அண்ணாத்த படத்துடன் போட்டி போடாமல் வேறொரு நாளில் படத்தை வெளியிடலாம் என 'மாநாடு' தயாரிப்பாளர் சுரேஷ் காமாட்சி முடிவு செய்துள்ளதாக கோலிவுட் வட்டாரங்கள் தெரிவிக்கின்றன. மாநாடு படத்தை 500க்கும் அதிகமான தியேட்டர்களில் வெளியிட்டால் தான் எதிர்பார்த்த வசூல் சில நாட்களில் கிடைக்க வாய்ப்புள்ளது. அதனால்தான் அவர் இந்த முடிவை எடுக்க இருப்பதாகத் தெரிவிக்கிறார்கள்.

எனிமி படமும் போட்டியில் இருக்குமா அல்லது கிடைத்த தியேட்டர்களே போதும் என படத்தை வெளியிடுவார்களா என்பதும் விரைவில் தெரிந்துவிடும்.

அம்பலவாணன்

சிவசங்கருக்கு உதவிய சிரஞ்சீவி

2 நிமிட வாசிப்பு

சிவசங்கருக்கு உதவிய சிரஞ்சீவி

கமல் இடத்தில் நீலாம்பரி எப்படி?

3 நிமிட வாசிப்பு

கமல் இடத்தில் நீலாம்பரி எப்படி?

ஷங்கரின் அடுத்த பிரம்மாண்டம்!

3 நிமிட வாசிப்பு

ஷங்கரின் அடுத்த பிரம்மாண்டம்!

திங்கள் 18 அக் 2021