டாக்டர் பட வசூலை தமிழ் ராக்கர்ஸ் பாதித்ததா?

entertainment

சிவகார்த்திகேயன் நடிப்பில் வெளியாகியுள்ள ’டாக்டர்’ படம், முதல் நாளே ஆன்லைனில் முழுப்படமும் தமிழ் ராக்கர்ஸால் லீக் செய்யப்பட்டுள்ளது.

சிவகார்த்திகேயனின் SK புரொடக்‌ஷன்ஸ் மற்றும் ராஜேஷின் KJR ஸ்டுடியோஸ் இணைந்து தயாரித்துள்ள திரைப்படம் ’டாக்டர்’. இதில் சிவகார்த்திகேயன் ஹீரோவாக நடித்துள்ளார். வினய், பிரியங்கா அருள் மோகன், யோகி பாபு, மிலிந்த் சோமன், இளவரசு, ஷாஜி சென், தீபா சங்கர், ரெடின் கிங்ஸ்லி, அருண் அலெக்சாண்டர், அர்ச்சனா மற்றும் ஜாரா வினீத் ஆகியோர் முக்கிய கதாப்பாத்திரங்களில் நடித்துள்ளனர்.

இந்த திரைப்படத்தை கோலமாவு கோகிலா படத்தின் இயக்குநர் நெல்சன் திலீப்குமார் இயக்கியுள்ளார். அனிருத் இசையமைத்து உள்ளார். 2020 ஆம் ஆண்டே தயாரான இந்தப் படம் கொரோனா ஊரடங்கு காரணமாக வெளியிடப்படாமல் இருந்தது.

இந்த நிலையில் இந்தப்படம் அக்டோபர் 9 அன்று திரையரங்குகளில் வெளியிடப்பட்டது. த்ரில்லர் படமான டாக்டர் சமூக வலைதளங்களில் பெரிய அளவில் ட்ரெண்டிங்கில் உள்ளது. மேலும் திரையரங்குகளில் இருந்தும் படத்திற்கு நல்ல வரவேற்பு கிடைத்து வருகிறது.

உண்மையில், டிஜிட்டலில் வெளியிடாமல் தியேட்டரில் வெளியிட்டுள்ளதை ரசிகர்கள் வரவேற்றுள்ளனர். சுவாரஸ்யமாக, இந்த படத்தின் வெற்றியை சிவகார்த்திகேயன் ரசிகர்களை விட விஜய் ரசிகர்கள் ஆவலுடன் எதிர்ப்பார்த்திருந்தனர். காரணம் நெல்சன் திலீப்குமார்-விஜய் கூட்டணியில் பீஸ்ட் திரைப்படம் உருவாகி வருகிறது. இந்த நிலையில் டாக்டர் படத்தின் வெற்றியால் விஜய் ரசிகர்கள் மகிழ்ச்சியடைந்துள்ளனர்.

ஆனால், இந்த பிரச்சனைகளுக்கிடையில், டாக்டர் படம் ஆன்லைனில் பைரஸி அடிப்படையிலான தளங்கள் மற்றும் டெலிகிராம், தமிழ்ராக்கர்ஸ் மற்றும் மூவியூல்ஸ் உள்ளிட்ட இணையதளங்களில் முழுப்படம் வெளியிடப்பட்டுள்ளது.

திரையரங்குகளில் வெளியிடப்பட்ட ஒரு படம் ஆன்லைனில் கசிந்தது இது முதல் முறை அல்ல. சமீபத்தில், பேய் மாமா மற்றும் லாபம் போன்ற படங்களும் திரையரங்குகளில் வெளியான சில மணிநேரங்களில் ஆன்லைனில் கசிந்தன. இருந்தபோதிலும் ஓடிடி, தமிழ்ராக்கர்ஸில் படம் பார்த்து பழகிப்போன மக்கள் தியேட்டர்களுக்கு குடும்பத்துடன் வருவார்களா என்கிற அச்சம் இருந்து வந்தது.

ஆனால், ‘டாக்டர்’ படத்திற்கு மக்கள் குடும்பம், குடும்பமாக வருகின்றனர் என்கின்றனர் தியேட்டர் உரிமையாளர்கள். பொதுவாக விடுமுறை நாட்களில்தான் படங்களின் வசூல் அதிகமாக இருக்கும். வார முதல் நாட்களில் மந்தமாக இருக்கும் அதனைடாக்டர்’ படத்தின் நேற்றைய வசூல் மாற்றியிருக்கிறது.

நேற்று திங்கள் கிழமை காலை காட்சிக்குக் கூட குடும்பங்கள் கூட்டம் கூட்டமாக வந்ததாகச் சொல்கிறார்கள். கடந்த மூன்று நாட்களில் மட்டும் இப்படத்தின் வசூல் 25 கோடியைக் கடந்திருப்பதாக கோலிவுட் வட்டாரங்கள் தெரிவிக்கின்றன. இப்படத்திற்குக் கிடைத்துள்ள வரவேற்பு தமிழ் சினிமாவுக்கு மட்டுமல்ல திரையரங்குகளுக்கும் நம்பிக்கையை ஏற்படுத்தியுள்ளது.

**-இராமானுஜம்**

�,”

+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *