மின்னம்பலம் மின்னம்பலம்

வெள்ளி 24 செப் 2021

வேதாளம் ரீமேக்கில் நடிக்க மறுத்தது ஏன்?: சாய் பல்லவி

வேதாளம் ரீமேக்கில் நடிக்க மறுத்தது ஏன்?: சாய் பல்லவி

பஞ்சும் நெருப்பும் பக்கத்தில் இருந்தால் சட்டென பற்றி எரியும் என்பார்கள். அது போன்றதொரு சம்பவம் தெலுங்குபட விழா ஒன்றில் நடைபெற்று இருக்கிறது.

நடிகை சாய் பல்லவி நடனம் நன்றாக ஆடுகிறார் என நடிகர் சிரஞ்சீவி கருத்து தெரிவித்திருந்தார். இதற்கு, ‘எனது நடனத்தை சிரஞ்சீவி பாராட்டுவது எனது பாக்கியம்’ என பதில் கூறியிருந்தார் சாய்பல்லவி.

நடிகை சாய்பல்லவி எப்போதுமே வித்தியாசமானவர். தனக்கு பிடித்த படங்களில் மட்டுமே நடிப்பார். 5 கோடி ரூபாய் சம்பளத்தில் 6 மாதத்தில் சிவப்பழகாக்கும் கிரீம் விளம்பரத்தில் நடிக்க மறுத்தார்.

நான் ஒரு டாக்டர் எந்த கிரீமாலும் நிறத்தை மாற்ற முடியாது. போலியான விளம்பரத்தில் நான் ஏன் நடிக்க வேண்டும் என்று கேட்டார். அஜித் நடிப்பில் வெளியான வேதாளம் படத்தை தெலுங்கில் போலா ஷங்கர் என்ற பெயரில் ரீமேக் செய்கிறார்கள். இதில் அஜித் வேடத்தில் சிரஞ்சீவி நடிக்கிறார் .

தமிழில் அஜித்தின் தங்கை வேடத்தில் லட்சுமி மேனன் நடித்தார். அந்த வேடத்தில் நடிக்க சாய்பல்லவியிடம் பேசினார்கள். ஹீரோயினுக்கான சம்பளம் தருவதாக கூறியும் அவர் நடிக்க மறுத்துவிட்டார். இப்போது அந்த வேடத்தில் கீர்த்தி சுரேஷ் நடிக்கிறார்.

இந்நிலையில் நாக சைதன்யா, சாய் பல்லவி நடித்துள்ள லவ் ஸ்டோரி படத்தின் அறிமுக நிகழ்ச்சி ஐதராபாத்தில் நடந்தது.

இதில் கலந்துகொண்டு சிரஞ்சீவி பேசும்போது, நல்லவேளை போலா ஷங்கர் படத்தில் சாய் பல்லவி நடிக்கவில்லை. ஏனென்றால், அவருடன் ஜோடியாக நடித்து, டூயட் பாடவே நான் விரும்புகிறேன். அவருக்கு அண்ணனாக நடிக்க விருப்பமில்லை. என்று வேடிக்கையாக கூறினார்.

அந்த விழாவில் பேசிய சாய் பல்லவி ரீமேக் படங்களில் நடிக்க எனக்கு கொஞ்சம் பயம். அதனால் தான் போலா ஷங்கர் படத்தில் நடிக்க மறுத்தேன்.

இல்லை என்றால் உங்களுடன் நடிக்கும் வாய்ப்பை தவறவிடுவேனா?. நான் எங்கு சென்றாலும் சிரஞ்சீவியை சந்தித்திருக்கிறீர்களா என்று கேட்கிறார்கள். உங்களுடன் சேர்ந்து நடிப்பது எனக்கு பெருமை சார். நான் எப்போதும் தயார் என்றார்.

-இராமானுஜம்

ரஜினி பாடல் காட்சிகள் அதிகம் விரும்பப்படவில்லையா?

4 நிமிட வாசிப்பு

ரஜினி பாடல் காட்சிகள் அதிகம் விரும்பப்படவில்லையா?

மானநஷ்ட வழக்கு தொடுத்த நடிகை சமந்தா

3 நிமிட வாசிப்பு

மானநஷ்ட வழக்கு தொடுத்த நடிகை சமந்தா

‘எனிமி’க்கு எனிமியான அண்ணாத்த

10 நிமிட வாசிப்பு

‘எனிமி’க்கு எனிமியான அண்ணாத்த

வெள்ளி 24 செப் 2021