மின்னம்பலம் மின்னம்பலம்

புதன் 15 செப் 2021

வடிவேலுவுக்கு ஜோடி ப்ரியா பவானிசங்கர்?

வடிவேலுவுக்கு ஜோடி ப்ரியா பவானிசங்கர்?

வடிவேலு மீதான பிரச்சினைகள் அனைத்தும் சுமூகமாக பேசி தீர்க்கப்பட்டு மீண்டும் நடிக்கத் தொடங்கியுள்ளார்.

முதலாவதாக லைகா நிறுவனம் தயாரிப்பில் சுராஜ் இயக்கத்தில் உருவாகும் படத்தில் நடிக்கவுள்ளார் வடிவேலு. இந்த படத்தில் நடிகை ப்ரியா பவானி சங்கர் முக்கிய கதாபாத்திரம் ஒன்றில் நடிக்கவுள்ளதாக தகவல் கசிந்துள்ளது.

சமூக வலத்தளங்களில் எப்போதும் ஆக்டிவாக இருக்கும் ப்ரியா பவானிசங்கர் அவ்வப்போது ரசிகர்களின் கேள்விகளுக்கும் பதில் கூறுவார். இந்நிலையில் ரசிகர் ஒருவர் எடிட் செய்த போட்டோ ஒன்றை வடிவேலு பிறந்த தினத்தன்றுதனது ட்விட்டர் பக்கத்தில் பகிர்ந்திருந்தார்.

சினிமாவில் ரீ என்ட்ரி ஆகியுள்ள வடிவேலுவுடன் ஷோபாவில் அமர்ந்திருப்பதை போன்ற புகைப்படத்தை 'தட் லக்கி கேர்ள்' என்ற கேப்ஷனோடு பகிர்ந்திருந்தார் ப்ரியா பவானி சங்கர்.

அந்த புகைப்படத்தில் வடிவேலு, எலி பட கெட்டப்பில் இருந்தார். இதனால் இந்தப்படம் எலி 2 வாக இருக்குமா? என ரசிகர்கள் கேட்டு வந்தனர். இந்நிலையில் சுராஜ் இயக்கத்தில் வடிவேலு நடிக்கவுள்ள பெயர் வைக்கப்படாத படத்தில் ப்ரியா பவானி சங்கர் முக்கியமான கதாபாத்திரம் ஒன்றில் நடிக்க உள்ளதாக தகவல்கள் வெளியாகியுள்ளது.

பிரியா பவானி சங்கர் கைவசம், குருதி ஆட்டம், பொம்மை, ஓமணப்பெண்ணே, ருத்ரன், பத்து தல, ஹாஸ்டல், யானை, திருச்சிற்றம்பலம் போன்ற படங்கள் உள்ளன. இதுதவிர கமல் ஷங்கர் கூட்டணியில் உருவாகும் ‘இந்தியன் 2’ படத்திலும் முக்கிய கதாபாத்திரத்தில் நடிக்கிறார்.

தமிழ் சினிமாவின் ஆகச்சிறந்த படங்களில் நடித்து வரும் பவானி சங்கர் வடிவேலுடன் நடிப்பாரா என்று கேட்டபோது, “ஜோடியாக நடிக்க மாட்டார். ஏற்கனவே ரஜினியுடன் கதாநாயகியாக நடித்த ஸ்ரேயா வடிவேலுவுடன் ஒரு பாடலுக்கு நடனமாடியதால் அவரது கதாநாயகி அந்தஸ்து முடங்கியது மட்டுமல்ல புதிய பட வாய்ப்புகளும் குறைந்துபோனது

இளம் நடிகர்களுடன் கதாநாயகியாக நடித்து வரும் சூழலில் வடிவேலுவுடன் இணைந்து நடிப்பது சாத்தியமில்லாதது” என்றனர் திரைத்துறை வட்டாரத்தில். தமிழ் சினிமாவில் பணத்துக்காக எதுவும் நடக்கலாம்

-இராமானுஜம்

விருதுகளை அள்ளிய அசுரன்!

2 நிமிட வாசிப்பு

விருதுகளை அள்ளிய அசுரன்!

கார்த்தி முடிவால் வட்டியில் சிக்கிய தயாரிப்பாளர்!

4 நிமிட வாசிப்பு

கார்த்தி முடிவால் வட்டியில் சிக்கிய தயாரிப்பாளர்!

ஐபிஎல்: மும்பையை வீழ்த்திய சென்னை சூப்பர் கிங்ஸ்!

6 நிமிட வாசிப்பு

ஐபிஎல்: மும்பையை வீழ்த்திய சென்னை சூப்பர் கிங்ஸ்!

புதன் 15 செப் 2021