மின்னம்பலம் மின்னம்பலம்

வெள்ளி 30 ஏப் 2021

ஐபிஎல்: ராஜஸ்தானை 7 விக்கெட் வித்தியாசத்தில் வீழ்த்திய மும்பை!

ஐபிஎல்: ராஜஸ்தானை 7 விக்கெட் வித்தியாசத்தில் வீழ்த்திய மும்பை!

ஐபிஎல் தொடரில் நேற்று (ஏப்ரல் 29) இரண்டு ஆட்டங்கள் நடைபெற்றன. டெல்லி அருண் ஜெட்லி மைதானத்தில் நடைபெற்ற 24ஆவது லீக் ஆட்டத்தில் ராஜஸ்தான் ராயல்ஸ் அணியை ஏழு விக்கெட்டுகள் வித்தியாசத்தில் வீழ்த்தியது மும்பை இந்தியன்ஸ் அணி.

முதலில் மும்பை இந்தியன்ஸ் டாஸ் வென்று பந்து வீச்சைத் தேர்வு செய்தது. அதன்படி ராஜஸ்தான் ராயல்ஸ் அணி 20 ஓவர் முடிவில் நான்கு விக்கெட்டுகளை இழந்து 171 ரன்கள் எடுத்தது.

அதிகபட்சமாக சாம்சன் 42 ரன்கள் எடுத்திருந்தார். மும்பை தரப்பில் ராகுல் சாஹர் இரண்டு விக்கெட்டுகளும் போல்ட், பும்ரா தலா ஒரு விக்கெட்டும் வீழ்த்தினர்.

இதையடுத்து 172 ரன்கள் எடுத்தால் வெற்றி என்ற இலக்குடன் மும்பை இந்தியன்ஸ் அணி களமிறங்கியது. ரோஹித் சர்மா 14, சூர்யகுமார் யாதவ் 16 ரன்கள் எடுத்து வெளியேறினர். டிகாக் குர்ணால் - பாண்ட்யா ஜோடி சிறப்பாக விளையாடி ரன்களை சேர்த்தனர். குர்ணால் பாண்ட்யா 39 ரன்கள் எடுத்து அவுட் ஆனார்.

இறுதியில் 9 பந்துகள் மீதமுள்ள நிலையில் மும்பை இந்தியன்ஸ் அணி ஏழு விக்கெட் வித்தியாசத்தில் வெற்றி பெற்றது. அதிரடியாக விளையாடி டிகாக் 50 பந்துகளில் 70 ரன்கள் எடுத்தார். பொல்லார்டு 8 பந்துகளில் 16 ரன்கள் எடுத்து கடைசி வரை ஆட்டம் இழக்காமல் இருந்தனர். ராஜஸ்தான் தரப்பில் மோரிஸ் இரண்டு விக்கெட்டுகளும் முஸ்பிகுர் ரகுமான் ஒரு விக்கெட்டும் வீழ்த்தினர்.

இதுவரை ஆறு ஆட்டங்களில் இரு அணிகளிலும் விளையாடி உள்ளன. இது மும்பை அணிக்கு மூன்றாவது வெற்றி ஆகும். ராஜஸ்தான் அணிக்கு நான்காவது தோல்வியாகும்.

-ராஜ்

ரஜினி பாடல் காட்சிகள் அதிகம் விரும்பப்படவில்லையா?

4 நிமிட வாசிப்பு

ரஜினி பாடல் காட்சிகள் அதிகம் விரும்பப்படவில்லையா?

மானநஷ்ட வழக்கு தொடுத்த நடிகை சமந்தா

3 நிமிட வாசிப்பு

மானநஷ்ட வழக்கு தொடுத்த நடிகை சமந்தா

‘எனிமி’க்கு எனிமியான அண்ணாத்த

10 நிமிட வாசிப்பு

‘எனிமி’க்கு எனிமியான அண்ணாத்த

வெள்ளி 30 ஏப் 2021