மின்னம்பலம் மின்னம்பலம்

ஞாயிறு 25 ஏப் 2021

ஐபிஎல்: கொல்கத்தா அணியை வீழ்த்திய ராஜஸ்தான் ராயல்ஸ்!

ஐபிஎல்: கொல்கத்தா அணியை வீழ்த்திய ராஜஸ்தான் ராயல்ஸ்!

கொல்கத்தா அணிக்கு எதிரான நேற்றைய (ஏப்ரல் 24) ஐபிஎல் ஆட்டத்தில் ராஜஸ்தான் அணி 6 விக்கெட்டுகள் வித்தியாசத்தில் வெற்றி பெற்றது.

14ஆவது ஐபிஎல் கிரிக்கெட் தொடரின் 18ஆவது லீக் ஆட்டம் மும்பையில் நேற்று நடைபெற்றது. இந்தப் போட்டியில் ராஜஸ்தான் ராயல்ஸ் அணி கொல்கத்தா நைட் ரைடர்ஸ் அணியை எதிர்கொண்டது. டாஸ் வென்ற ராஜஸ்தான் அணியின் கேட்பன் சஞ்சு சாம்சன் முதலில் பந்துவீச்சை தேர்வு செய்தார்.

இதையடுத்து, கொல்கத்தா அணியின் தொடக்க வீரர்களாக நிதிஷ் ரானா மற்றும் ஷுப்மன் கில் களமிறங்கினர். இதில் ஷுப்மன் கில் 19 பந்துகளில் 11 ரன் எடுத்து ஆட்டமிழந்த நிலையில், அடுத்து வந்த திரிபாதி - ரானாவுடன் ஜோடி சேர்ந்தார். 25 பந்துகளில் 22 ரன்கள் எடுத்திருந்த ரானா, சேத்தன் சகாரியா பந்துவீச்சில் கேட்ச் ஆனார்.

இதற்கடுத்து வந்தவர்களில் அதிகபட்சமாக தினேஷ் கார்த்திக் 25 ரன்கள் எடுத்து விக்கெட்டை இழந்தார். மற்ற அனைவரும் சொற்ப ரன்களில் அடுத்தடுத்து அவுட் ஆகி ஏமாற்றம் அளித்தனர். இதனால், இறுதியில் 20 ஓவர்கள் முடிவில் கொல்கத்தா நைட் ரைடர்ஸ் அணி 9 விக்கெட்டுகள் இழப்புக்கு 133 ரன்கள் மட்டுமே எடுத்தது.

சிறப்பாக பந்து வீசிய ராஜஸ்தான் அணி வீரர் மோரிஸ் 4 ஓவர்கள் வீசி 23 ரன்கள் விட்டுக்கொடுத்து 4 விக்கெட்டுகளை வீழ்த்தினார்.

இதையடுத்து, 134 ரன்கள் எடுத்தால் வெற்றி என்ற இலக்குடன் விளையாட தொடங்கிய ராஜஸ்தான் அணியின் தொடக்க ஆட்டக்காரர்களாக ஜாஸ் பட்லர் மற்றும் யசஸ்வி ஜெய்ஸ்வால் களமிறங்கினர். ஜாஸ் பட்லர் 5 ரன்களுடன் அவுட் ஆகி வெளியேற, அடுத்த விக்கெட்டுக்கு கேப்டன் சஞ்சு சாம்சன் களமிறங்கினார். 17 பந்துகளில் 5 பவுண்டர்களை விரட்டிய யசஸ்வி ஜெய்ஸ்வால் (22 ரன்கள்), சிவம் மவி வீசிய பந்தில் கேட்ச் ஆகி வெளியேறினார்.

அடுத்ததாக சிவம் துபே - சஞ்சு சாம்சன் ஜோடி சேர்ந்தனர். இந்த ஜோடி நிதானமான ஆட்டத்தை வெளிப்படுத்தியது. சிவம் துபே (22 ரன்கள்), ராகுல் தெவாட்டியா (5 ரன்கள்) ஆகியோரின் விக்கெட்டுகள் அடுத்தடுத்து சரிந்தாலும், கேப்டன் சஞ்சு சாம்சன் இறுதிவரை நிதானமாக ஆடி அணியின் வெற்றியை உறுதி செய்தார்.

இறுதியாக 18.5 ஓவர்கள் முடிவில், ராஜஸ்தான் அணி 4 விக்கெட்டுகளை இழந்து 134 ரன்கள் குவித்து வெற்றி பெற்றது. சஞ்சு சாம்சன் (42 ரன்கள்) மற்றும் டேவிட் மில்லர் (24 ரன்கள்) ஆட்டமிழக்காமல் களத்தில் இருந்தனர்.

இந்த தோல்வியின் மூலம் கொல்கத்தா அணி புள்ளிப்பட்டியலில் கடைசி இடத்துக்குச் சென்றது.

-ராஜ்

விவாகரத்து செய்யும் தனுஷ் - ஐஸ்வர்யா ரஜினிகாந்த்

3 நிமிட வாசிப்பு

விவாகரத்து செய்யும் தனுஷ் - ஐஸ்வர்யா ரஜினிகாந்த்

புதிய படங்களை ஓரங்கட்டிய எம்.ஜி.ஆர்

5 நிமிட வாசிப்பு

புதிய படங்களை  ஓரங்கட்டிய எம்.ஜி.ஆர்

'ஓ சொல்றியா பாடல்': சமந்தாவின் சம்பளம் எவ்வளவு?

3 நிமிட வாசிப்பு

'ஓ சொல்றியா பாடல்': சமந்தாவின் சம்பளம்  எவ்வளவு?

ஞாயிறு 25 ஏப் 2021