ஜெயலலிதா பயோபிக் : தலைவி ரிலீஸ் தேதி!

பாலிவுட் நடிகை கங்கனா நடிப்பில் உருவாகியுள்ள தலைவி படத்தின் ரிலீஸ் தேதி குறித்த அறிவிப்பை படக்குழு அறிவித்துள்ளது.

மறைந்த முன்னாள் முதல்வர் ஜெயலலிதாவின் வாழ்க்கை வரலாற்று திரைப்படம் ‘தலைவி’. இந்தப் படத்தின் ரிலீஸை எதிர்நோக்கி தமிழகத்தில் பெரும் எதிர்பார்ப்பு நிலவிவருகிறது. இந்தப் படத்தை மதராசபட்டினம், தலைவா உள்ளிட்ட படங்களை இயக்கிய இயக்குநர் ஏ.எல். விஜய் இயக்கியுள்ளார். பாலிவுட் நடிகை கங்கனா ரனாவத் ஜெயலலிதா வேடத்தில் நடித்துள்ளார். தமிழ், இந்தி மட்டுமின்றி பல்வேறு மொழிகளில் வெளியாக இருக்கிறது.

ஜெயலலிதாவின் 73வது பிறந்த நாளான நேற்று படத்தின் ரிலீஸ் தேதியை அறிவித்துள்ளது படக்குழு. கங்கனா தனது ட்விட்டரில், "மிகப்பெரிய ஆளுமையான ஜெயா அம்மாவிற்கு இத்திரைப்படம் சமர்ப்பணம். இப்படம் ஏப்ரல் 23ஆம் தேதி வெளியாக உள்ளது" என்று குறிப்பிட்டுள்ளார்.

கருணாநிதி கதாபாத்திரத்தில் பிரகாஷ்ராஜ், எம்.ஜி.ஆர் ரோலில் அரவிந்த்சாமி , சோபன்பாபு ரோலில் ஜிஷ்ஷூ செங்குப்தா, சசிகலா கேரக்டரில் பூர்ணா, ஜானகி ராமச்சந்திரன் கேரக்டரில் மது, ஜெயலலிதாவின் தாயார் சந்தியாவாக பாக்யஸ்ரீ, ஆர்.எம்.வீரப்பன் கதாபாத்திரத்தில் சமுத்திரக்கனி உள்ளிட்ட நடிகர்கள் நடித்துவருகிறார்கள்.

சட்டமன்றத் தேர்தலை தமிழகம் எதிர்நோக்கி வரும் நிலையில், ஜெயலலிதாவின் பயோபிக் திரைப்படமானது வெளியாவது பெரியளவில் அதிர்வலையை மக்கள் மத்தியில் ஏற்படுத்தும் என்பதில் சந்தேகமில்லை.

To Jaya Amma, on her birthanniversary
Witness the story of the legend, #Thalaivi, in cinemas on 23rd April, 2021. @thearvindswami #Vijay @vishinduri @ShaaileshRSingh @BrindaPrasad1 @neetalulla #BhushanKumar @KarmaMediaent @TSeries @vibrimedia #SprintFilms @ThalaiviTheFilm pic.twitter.com/JOn812GajH

— Kangana Ranaut (@KanganaTeam) February 24, 2021