இன்னைக்கு என்னோட நண்பன் ஒருத்தன் ஃபேஸ்புக்ல ‘ஜஸ்ட் மிஸ்’னு வெறுமனே ஒரு போஸ்ட் போட்டிருந்தான். அது எதுக்குன்னு தெரியாமலேயே எழுபது பேரு லைக் பண்ணிட்டாங்க. ‘என்னாச்சு, இருமல் காய்ச்சல் இருந்தும் கொரோனா வராம தப்பிச்சிட்டியா?’ன்னு ஒருத்தரு கேட்டாரு. அதுக்கு இவன், ‘இல்லண்ணே, இன்னைக்கு புதுசா 4231 பேருக்கு கொரோனா வந்திருக்கு. அது 4321 ஆ வந்திருந்தா நல்ல ஃபேன்ஸி நம்பரா இருக்கும் இல்லே. அதை தான் ஜஸ்ட் மிஸ்னு சொன்னேன்’ அப்டீன்னு சொல்றான். சீக்கிரமா தடுப்பூசிய நடைமுறைக்கு கொண்டு வந்து லாக் டவுன முடிச்சு விடுங்க சார். இப்படி வீட்டுக்குள்ளேயே இருக்குறதால தான் இப்படி எல்லாம் யோசிக்க தோணுது. நீங்க அப்டேட்ட படிங்க. நான் ஆஃப் லைன் போறேன்.
**சப்பாணி**
அட்வைஸ்க்கு அடுத்து மலிவாக கிடைப்பவை விசிட்டிங் கார்டுகளே.!
**மெத்த வீட்டான்**
எல்லாரும் சமம் என்பதை விட எல்லாரும் ஒன்னுதான் என்பது மனதுக்கு நெருக்கமா தோணுது !
**ஜோக்கர்**
ஆகச்சிறந்த “சுய சமாதானம்” யாதெனில்,
இப்போ கஷ்டப்பட்டா “பின்னாடி நம்ம வாழ்க்கை கஷ்டமில்லாம சந்தோசமா இருக்கும்” என்பதுதான்..!!!
**ரஹீம் கஸ்ஸாலி**
ஆர்கானிக் என்ற பெயரைக்கூட அறியாமல் இயற்கை முறையில் விளைந்த காய்கறிகளையும், மண் பாண்டங்களில் சமைத்த உணவுகளையும் சாப்பிட்ட நம் முன்னோர்கள் பாக்கியசாலிகள்.
**கோழியின் கிறுக்கல்**
பொய்கள் எளிதில் வியாபாரம் ஆகி விடுகின்றன!!
**சரவணன்.M**
“கதவு” – நீங்க எவ்வளவு கோவப்பட்டு சாத்தினாலும் வெளியே தள்ளினாலும் வீட்டை பாதுகாக்கும்.
**நாகராஜ சோழன்.M A.MLA**
ஜவுளி கடைக்கு போன் பண்ணா, வீடியோ காலிலேயே புடவைகளை பிரிச்சு காட்டுவாங்களாமா , நாம
செலக்ட் பண்றதை வீட்டுக்கே வந்து டெலிவரி தந்துட்டு பணம் வாங்கிப்பாங்களாமா..
அடேய் இவங்க
லாக் டவுன்ல யும் செமயா ஏவாரம் பாக்குராங்கடோய்!
**உள்ளுராட்டக்காரன்**
இந்த வீடியோ கால் ஷாப்பிங்கால பாதிக்கப்படப் போற ஆளுங்க யாருன்னா, பொண்டாட்டி கடையில ஷாப்பிங் பண்ணும் போது வெளிய காத்து தவிக்கும் ஆண்களின் அவலநிலையை ஜோக்ஸாக எழுதும் ஜோக் ரைட்டர்ஸ் தான்
**Myck**
கறை படிந்த கரங்களுக்கு சொந்தக்காரர்கள் ‘மெக்கானிக்குகள்’!
**சப்பாணி**
‘எனக்கு ஒரு கனவு இருக்கிறது. என்னுடைய நான்கு குழந்தைகளும் அவர்களுடைய தோலின் நிறத்தால் மதிப்பிடப்படாமல்,அவர்கள் குணநலன்களால் மதிப்பீடு செய்யப்படும் நாட்டில் ஒருநாள் வாழ்வார்கள்’
-மார்ட்டின் லூதர் கிங்
**-லாக் ஆஃப்**
�,”