^தனுஷ்-40: அப்டேட்டுக்கே கொண்டாட்டம்!

entertainment

தனுஷ் கதாநாயகனாக நடித்துள்ள 40-ஆவது திரைப்படத்தின் ஃபர்ஸ்ட் லுக் குறித்த அப்டேட் வெளியாகியுள்ளது.

அசுரன் திரைப்படத்தின் மாபெரும் வெற்றிக்குப் பின்னர் தனுஷ் கதாநாயகனாக நடித்த பட்டாஸ் திரைப்படம் ஜனவரி 15-ஆம் தேதி பொங்கல் தினத்தன்று வெளியானது. அதனைத் தொடர்ந்து கார்த்திக் சுப்புராஜ் இயக்கத்தில் ஒரு திரைப்படத்திலும், மாரி செல்வராஜ் இயக்கும் கர்ணன் படத்திலும் தனுஷ் நடித்துவந்தார்.

கார்த்திக் சுப்புராஜ் இயக்கிவரும் திரைப்படத்தை ஒய் நாட் ஸ்டுடியோஸ் நிறுவனம் தயாரித்து வந்தது. தனுஷுக்கு ஜோடியாக ஐஸ்வர்யா லட்சுமி நடிக்கும் இந்தப் படத்தின் படப்பிடிப்பு லண்டன் மற்றும் மதுரையில் நடைபெற்றுவந்தது. பெரிய மீசை, கிராமத்து வேடம் என்று மிரட்டலான தோற்றத்தில் இருக்கும் தனுஷின் சில புகைப்படங்கள் படப்பிடிப்புத் தளத்தில் இருந்து வெளியாகி ரசிகர்களை உற்சாகப் படுத்தியது.

பெரும் எதிர்ப்பார்ப்பை ஏற்படுத்தியுள்ள இந்தப்படத்திற்கு என்ன பெயர் சூட்டப்போகிறார்கள் என்ற கேள்வி ரசிகர்கள் மத்தியிலும் பரவலாக எழுந்து வந்தது. ஏற்கனவே படத்திற்கு ‘சுருளி’ எனப்பெயர் வைக்கப்பட்டுள்ளதாக வெளியான தகவலை படக்குழுவினர் மறுத்தனர். இந்த நிலையில் படத்தின் தயாரிப்பு நிறுவனம் தரப்பில் விரைவில் படப்பிடிப்பு முடிக்கப்பட்டு இன்று(பிப்ரவரி 9) ஃபர்ஸ்ட் லுக் போஸ்டர் குறித்த அப்டேட் வெளியாகும் என்று அறிவிக்கப்பட்டது.

அதன்படி, இயக்குநர் கார்த்திக் சுப்புராஜும் படப்பிடிப்பு முடிவடைந்த தகவலை தனது ட்விட்டர் பக்கத்தில் வெளியிட்டார்.

இந்த நிலையில் அறிவிக்கப்பட்டது போன்றே, D40 திரைப்படத்தின் ஃபர்ஸ்ட்லுக் குறித்த அப்டேட்டைப் படக்குழுவினர் வெளியிட்டுள்ளனர்.

தமிழ் தெலுங்கு மொழிகளில் வெளியாகும் இந்தத் திரைப்படத்தின் ஃபர்ஸ்ட் லுக் மற்றும் மோஷன் போஸ்டர் வரும் பிப்ரவரி 19-ஆம் தேதி வெளியாகும் என்று அறிவிக்கப்பட்டுள்ளது.

பொதுவாக ஃபர்ஸ்ட் லுக் போஸ்டர் வெளியாகும் நேரங்களில் தான் ரசிகர்கள் உற்சாகம் மிகுந்து காணப்படுவார்கள். ஆனால் ஃபர்ஸ்ட் லுக் குறித்த அப்டேட்டுக்கே டிவிட்டர் உலகைப் பேசவைத்த தனுஷ் ரசிகர்கள் இந்தத் தகவலைக் கேட்டு கொண்டாடி வருகின்றனர்.

**-இரா.பி.சுமி கிருஷ்ணா**�,”

+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *