லோகேஷ் கனகராஜ் இயக்கத்தில் விக்ரம் படத்தில் நடித்து வருகிறார் கமல்ஹாசன். இந்த படத்தில் அவருடன் விஜய் சேதுபதி, பஹத் பாசில் ஆகியோர் முக்கிய கதாபாத்திரங்களில் நடித்து வருகின்றனர்.
இதனைத்தொடர்ந்து கமல்ஹாசன் தனது சொந்த தயாரிப்பில் விஸ்வரூபம் படத்தின் எடிட்டர் மகேஷ் நாராயணன் இயக்கத்தில் புதிய படம் ஒன்றைத் தயாரிக்கிறார். இவர் ஏற்கனவே மலையாளத்தில் டேக் ஆப், சீ யூ சூன் படங்களை இயக்கியுள்ளார்.
தற்போது தமிழில் அவர் இயக்கவுள்ள புதிய படத்திற்கு கமல்ஹாசன் தான் கதையை உருவாக்கி வருகிறாராம். இந்த படத்தில் விக்ரம். விஜய் சேதுபதி இருவரையும் இணைந்து நடிக்க வைக்கும் முயற்சியைத் தொடங்கியுள்ள கமல்ஹாசன் அவரும் ஒரு சிறிய கதாபாத்திரத்தில் படத்தில் நடிக்கிறார்.
தற்போது தன்னுடன் விக்ரம் படத்தில் இணைந்து விஜய் சேதுபதி நடித்து வருவதாலும், ஏற்கனவே தனது தயாரிப்பில் கடாரம் கொண்டான் படத்தில் விக்ரம் நடித்திருந்தார் என்பதாலும் இவர்கள் இருவரையும் கமல்ஹாசன் எளிதாகச் சேர்த்துவிடுவார் என்று சொல்லப்படுகிறது.
**-இராமானுஜம்**
�,