கடந்த ஜூன் 12-ஆம் தேதி குஜராத் மாநிலம் அகமதாபாத்தில் ஏர் இந்தியா விமானம் விபத்துக்குள்ளானதில் 243 பேர் உயிரிழந்த சம்பவம் பெரும் சோகத்தையும் அதிர்ச்சியையும் ஏற்படுத்தியது. இந்தநிலையில், சிவில் விமானப் போக்குவரத்து இயக்குநரகம் ஏர் இந்தியா விமானங்களில் பாதுகாப்பு ஏற்பாடுகளை ஆய்வு செய்து வருகிறது.
இந்தநிலையில், பராமரிப்பு மற்றும் மோசமான வானிலை காரணமாக பல்வேறு ஏர் இந்தியா விமான சேவைகள் இன்று (ஜூன் 20) ரத்து செய்யப்பட்டுள்ளது. due to maintenance bad weather
ரத்து செய்யப்பட்ட ஏர் இந்தியா விமானங்கள்:
துபாய் – சென்னை AI906
டெல்லி – மெல்போர் AI308
மெல்போர்ன் – டெல்லி AI309
துபாய் – ஹைதராபாத் AI2204
புனே – டெல்லி AI874
அகமதாபாத் – டெல்லி AI456
ஹைதராபாத் – மும்பை AI-2872
சென்னை – மும்பை AI571
இதுதொடர்பாக ஏர் இந்தியா வெளியிட்டுள்ள அறிக்கையில்,
“பயணிகளுக்கு ஏற்பட்ட சிரமத்திற்கு வருந்துகிறோம். மாற்று விமானங்களில் பயணம் செய்வதற்கான ஏற்பாடுகளை எங்களுடைய அதிகாரிகள் மேற்கொண்டு வருகின்றனர். பயணத்தை ரத்து செய்தாலோ, வேறு ஒரு நாளுக்கு பயணத்தை மாற்றினாலோ முழு தொகையும் பயணிகளுக்கு வழங்கப்படும்” என்று தெரிவிக்கப்பட்டுள்ளது.