முருங்கைக் காயில் (Drumstick) உள்ள சத்துக்கள், அதனை சாப்பிடுவதால் ஏற்படும் நன்மைகள் குறித்து விரிவாக பார்க்கலாம்.
முருங்கை மரங்கள் இல்லாமல் நமது வீட்டுத் தோட்டம் ஒருபோதும் இருந்ததில்லை. வீட்டில் இடமில்லை என்றாலும் கூட ஒரு ஓரத்தில் முருங்கையை நட்டு வைத்தால் அது கீரையாகவும், காய்களாகவும் நமக்கு பயன் தருகிறது. ஒரு வீட்டில் முருங்கை மரமும், பசுமாடும் இருந்தால் அந்த வீட்டில் இருப்பவர்கள் பசியோடு உறங்கச் செல்ல மாட்டார்கள் என்பது நமது முன்னோர்கள் கூற்று. முருங்கை கீரை, காய்கள், பூக்களை நாம் சமைத்து சாப்பிட்டிருப்போம். ஆனால், முருங்கை காயில் (Drumstick) உள்ள ஊட்டச்சத்துகள் குறித்து அறிந்திருக்க மாட்டோம். முருங்கையில் உள்ள ஊட்டச்சத்துகள் மற்றும் அதன் பயன்கள் குறித்து விரிவாக காணலாம்.
முருங்கைக்காயில் உள்ள சத்துக்கள்
முருங்கைக்காயில் வைட்டமின்கள், தாதுக்கள் மற்றும் ஆன்டிஆக்ஸிடன்ட்கள் (Nutrients in drumstick) உள்ளிட்ட அத்தியாவசிய ஊட்டச்சத்துக்கள் நிறைந்துள்ளன. இவை உடலின் ஒட்டுமொத்த ஆரோக்கியத்தைப் பராமரிக்க மிகவும் அவசியமானவை. முருங்கையில் வைட்டமின் சி, வைட்டமின் ஏ, வைட்டமின் ஈ, கால்சியம், பொட்டாசியம் மற்றும் இரும்புச்சத்து ஆகியவை அதிக அளவில் உள்ளன. இவை அனைத்தும் நோய் எதிர்ப்புச் சக்தி, எலும்பு ஆரோக்கியம் மற்றும் ஆற்றல் வளர்சிதை மாற்றம் ஆகியவற்றை ஆதரிப்பதில் முக்கியப் பங்கு வகிக்கின்றன.
நீர்ச்சத்தை அதிகரிக்கிறது
முருங்கைக் காயில் இயற்கையாகவே அதிக நீர்ச்சத்து (Drumstick Hydration booster) இருப்பதால் உடலை நீரேற்றத்துடன் வைத்திருக்க உதவுகிறது. முருங்கைக்காயில் உள்ள இயற்கையான குளிர்ச்சியூட்டும் பண்புகள், வெப்பமான காலநிலையில் உடலின் உள் வெப்பநிலையைத் தணிக்க உதவுகின்றன. உங்கள் உணவில் முருங்கைக்காயைச் சேர்ப்பது, அதிகப்படியான வியர்வை, சோர்வு மற்றும் வெப்பத்தாக்கம் போன்ற வெப்பம் தொடர்பான அசௌகரியங்களைக் குறைக்க உதவும்.
செரிமானத்திற்கு உதவுகிறது
முருங்கைக்காய் செரிமான நன்மைகளுக்கு உதவி புரிகிறது. அஜீரணம், மலச்சிக்கல் மற்றும் வயிறு உப்புசம் (Drumstick Digestive aid) போன்ற செரிமானப் பிரச்சனைகளை சரிசெய்ய முருங்கைக் காயை அடிக்கடி சாப்பிடலாம். முருங்கைக்காயில் உள்ள நார்ச்சத்து, செரிமானப் பாதை வழியாக உணவு சீராக நகர்வதற்கு உதவுகிறது. இதன்மூலம் ஆரோக்கியமான செரிமானத்தை ஊக்குவிக்கிறது.
அழற்சி எதிர்ப்புப் பண்புகள்
முருங்கைக்காயில் ஃபிளாவனாய்டுகள் மற்றும் ஃபீனாலிக் அமிலங்கள் போன்றவை உள்ளன. இவை சக்திவாய்ந்த அழற்சி (Anti-inflammatory properties) எதிர்ப்புப் பண்புகளைக் கொண்டுள்ளன. முருங்கைக்காயை தொடர்ந்து உணவில் சேர்த்துக்கொள்வது உடலில் ஏற்படும் அழற்சியைக் குறைக்க உதவுகிறது. இதன் மூலம் மூட்டுவலி மற்றும் ஒவ்வாமை போன்ற அழற்சி அறிகுறிகளைத் தணிக்க முடியும்.
நோய் எதிர்ப்பு சக்தியை அதிகரிக்கிறது
அதிக வைட்டமின் சி உள்ளதால் முருங்கைக்காய் நோய் (Immune support) எதிர்ப்பு சக்தியை அதிகரிப்பதோடு, நோய்த்தொற்றுகளைத் தடுப்பதிலும் முக்கியப் பங்கு வகிக்கிறது. வைட்டமின் சி அதன் ஆக்ஸிஜனேற்றத் தடுப்புப் பண்புகளுக்காக அறியப்படுகிறது. இது ஃப்ரீ ரேடிக்கல்களால் ஏற்படும் சேதத்திலிருந்து செல்களைப் பாதுகாக்க உதவுகிறது.
எடை கட்டுப்பாடு
முருங்கைக்காயில் கலோரிகளும் கொழுப்பும் குறைவாகவும், நார்ச்சத்து அதிகமாகவும் இருப்பதால், எடை குறைப்பு (Weight Loss) உணவாகவும் சாப்பிடலாம். இதில் உள்ள நார்ச்சத்து, வயிறு நிறைந்த உணர்வைத் தந்து, பசியைக் குறைத்து, அதிகமாகச் சாப்பிடுவதைத் தடுக்கிறது. இதன் மூலம், உடல் எடையைக் கட்டுப்படுத்த உதவுகிறது.
