சருமத்தை க்ளீன் ஆக்குறதா நினைத்து, அடிக்கடி முகத்துக்கு ஸ்கிரப் பயன்படுத்தக் கூடாது. அது சருமத்தின் இயற்கையான எண்ணெய்ப்பசையை நீக்கி விடும். மேலும், அது சருமத்துக்குக் கடுமையானதாவும் இருக்கும்.
முகத்தை மென்மையாதான் கையாள வேண்டும். இரண்டு வாரத்துக்கு ஒரு தடவை ஸ்கிரப் பயன்படுத்தினால் போதும்.
எக்காரணம் கொண்டும் பருக்களை கிள்ளிவிடக் கூடாது. அப்படிச் செய்தால் அது போகாது. அதுக்குள்ள இருக்கிற நுண்ணுயிர் இன்னும் ஆழமாகச் சென்று பாதிப்பு அதிகமாகவே செய்யும்.
உறங்கச் செல்லும் முன்பு மேக்கப் ரிமூவ் செய்வதில் சோம்பேறித்தனம் கூடவே கூடாது. மேக்கப் உடன் தூங்கினா உங்க சருமத்துக்கு ஏழு மடங்கு வேகமாக வயசாகிடும்னு சொல்றாங்க சரும நிபுணர்கள்.
வெந்நீரில் குளிப்பது நல்லதுதான்னாலும், கூந்தலை அலச வெந்நீர் பயன்படுத்துவதைத் தவிர்க்கணும். அது கேசத்தின் வேரை பாதிப்பதோடு, பலவீனமாக்கும்.
மேல் உதடு, தாடையில் ரோம வளர்ச்சி ஹார்மோனல் இம்பேலன்ஸ்னால ஏற்படக்கூடும். அது அழகு பிரச்சினை இல்ல, ஆரோக்கியப் பிரச்சினைனு புரிஞ்சுக்கிட்டு மருத்துவ ஆலோசனை பெற வேண்டும்.
சில யூடியூப் வீடியோக்கள்ல ‘ஸ்கின் வொயிட்டனிங்க்கு பேக்கிங் சோடா’னு பார்த்துட்டு, அதை பயன்படுத்த முயற்சி செய்யக்கூடாது. சோடா சருமத்தை அதிகமாக உலரச் செய்யும்; பருக்கள், அரிப்பு, வீக்கம்னு பல பிரச்சினைகளையும் ஏற்படுத்தலாம்.
கேசத்தை ஸ்ட்ரெயிட்டனிங் பண்ணும்போது அந்த ஹீட் வேர்களைப் பாதிக்கும். முடி உதிர்வதும் அதிகரிக்கும். அதனால் அதைத் தவிர்ப்பதே பரிந்துரைக்கத்தக்கது.
இறுதியா ஒரு விஷயம். என்னதான் பியூட்டி புராடக்ட்ஸ் பயன்படுத்தினாலும், ஃபேஸ் பேக்ஸ் போட்டாலும் கிடைக்காத பொலிவு… ஒரு விஷயத்தைப் பண்ணினா கிடைச்சிடும். அது, ஒழுங்கா சாப்பிடுறது, நிறைய தண்ணி குடிக்கிறது. அதுதான் குளோயிங் ஸ்கின்னுக்கான ஓப்பன் சீக்ரெட்!
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
பாக்ஸ் ஆபிஸ் வேட்டைக்கு தயாரான சூர்யாவின் கங்குவா.. ரிலீஸ் தேதி இதுவா..?
மாநில உரிமைக்கு முதன்முதலில் குரல் கொடுத்தது திமுக தான்!
பியூட்டி டிப்ஸ்: அலுவலகத்துக்கு ஏற்ற ஆடை எது தெரியுமா?
சண்டே ஸ்பெஷல்: உப்பு, புளி, காரம் அதிகமாயிடுச்சா… கவலைப்படாதீர்கள்!