2026 சட்டமன்ற தேர்தல் கூட்டணி தொடர்பாக ஜனவரி 5-ந் தேதி நடைபெறும் தேமுதிக மாவட்ட செயலாளர்கள் கூட்டத்தில் முடிவு எடுக்கப்படும் என தெரிகிறது.
சட்டமன்ற தேர்தலில் தேமுதிக எந்த கூட்டணியில் இடம் பெறும் என்பது இன்னமும் உறுதியாகவில்லை. அதிமுக- பாஜக கூட்டணி மற்றும் திமுக கூட்டணியில் இடம் பெறுவதற்காக பேச்சுவார்த்தைகளை நடத்தி வருகிறது தேமுதிக.
இனிவரும் நாட்களில், கூட்டணி குறித்த அறிவிப்பை தேமுதிக வெளியிடக் கூடும் என எதிர்பார்க்கப்படுகிறது. இந்நிலையில் தேமுதிகவின் மாவட்ட செயலாளர்கள் கூட்டம் வரும் 5-ந் தேதி சென்னை கோயம்பேட்டில் நடைபெற உள்ளது.
இக்கூட்டத்தில் கூட்டணி குறித்த முடிவுகள் எடுக்கப்படலாம் எனவும் கூறப்படுகிறது.