புரட்டாசி மாத நட்சத்திர பலன் 2024

– யதார்த்த ஜோதிடர் ஷெல்வீ

முயற்சிகள் பலன் தரத்தொடங்கும் முன்னேற்றமான காலகட்டம். அலுவலகத்தில் உங்கள் பெருமை உயரும். பிறரைக் குறை சொல்வதும், மேலிடத்திடம் வீண் வாக்குவாதமும் வேண்டாம்.

வீட்டில் விசேஷங்கள் அணிவகுத்து வரும். வாரிசுகள் வாழ்க்கையில் பெருமை சேரும். வாழ்க்கைத்துணையுடன் அன்யோன்யம் உருவாகும்.

குலதெய்வத்தை தினமும் சில நிமிடமாவது கும்பிடுங்கள்.

செய்யும் தொழிலில் சுணக்கமின்றி செயல்பட்டால், சீரான லாபம் கிடைக்கும். தெரியாத தொழிலில் பிறர் கட்டாயத்துக்காக முதலீடு செய்ய வேண்டாம்.

அரசு, அரசியல் சார்ந்தவர்களுக்கு ஆதரவு நிலைக்கும்.

புறம் பேசுவோரை புறம் தள்ளுங்கள்.

கலை, படைப்புத் துறையினர்க்கு திறமைக்கு உரிய வாய்ப்புகள் வரும்.

எதிர்பாலருடன் எல்லை வகுத்துப் பழகுங்கள்.

மாணவர்கள் மனம் ஒன்றிப் படித்தால், மதிப்பு உயரும்படி சாதனைகள் படைக்கலாம்.

பயணத்தில் நிதானம் முக்கியம்.

படபடப்பு, அலர்ஜி, ரத்தநாள உபாதைகள் வரலாம்.

ஆலங்குடி தட்சிணாமூர்த்தி வழிபாடு, தழைக்கச் செய்யும்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…