ஐப்பசி மாத நட்சத்திர பலன்கள்: ஹஸ்தம் (18.10.2024 முதல் 15.11.2024 வரை)

Published On: 18 Oct 2024, 1:22 PM

| By christopher

Aippasi month Hastham Natchathira Palan 2024

–யதார்த்த ஜோதிடர் ஷெல்வீ

கஷ்டங்கள் படிப்படியாக நீங்கத் தொடங்கும் காலகட்டம். அலுவலகத்தில் உங்கள் திறமைக்கு ஏற்ப அந்தஸ்து உயரும். மேலதிகாரிகளிடம் வீண் தர்க்கம் வேண்டாம். மறைமுக எதிரிகள் பலம் அதிகரிக்கலாம். கையெழுத்திடும் சமயங்களில் கவனமாக இருங்கள்.

இல்லத்தில் இனிமை இடம்பிடிக்கும். வாழ்க்கைத் துணையுடன் வாக்குவாதம் வேண்டாம். உறவுகளால் வசந்தம் வரும். சுபகாரியங்கள் கைகூடி வரும். வரவை சுபசெலவாக்குவது புத்திசாலித்தனம்.

குடும்பத்துப் பெரியோர் உடல்நலனில் அக்கறை அவசியம். செய்யும் தொழிலில் சுணக்கம் நீங்கும். பங்குவர்த்தகம், ரியல் எஸ்டேட், சூதாட்ட முதலீடுகள் தவறியும் வேண்டாம்.

அரசுத் துறையினரின் திறமை வெளிப்பட்டு பாராட்டப்படுவீர்கள். அரசியல் சார்ந்தவர்களுக்கு பொறுப்பு அதிகரிக்கும். கலை,படைப்புத் துறையினர் திறமைக்கு உரிய ஏற்றத்தைப் பெறுவீர்கள்.

அயல்நாட்டுப் பயணத்தில் நடைமுறை சட்டத்தை மதித்தல் அவசியம். மாணவர்கள் திறமையால் பெருமை பெறுவீர்கள்.

பயணப் பாதையில் சுகாதாரமில்லா உணவே நஞ்சாகலாம் கவனமாக இருங்கள். சுளுக்கு, பல், மூட்டு உபாதைகள் வரலாம். நரசிம்மர் வழிபாடு நன்மை தரும்.