மத்திய அரசு பாதுகாப்பு அச்சுத் துறையில் வேலைவாய்ப்பு

By Santhosh Raj Saravanan

|

Published on 5 Apr 2026, 8:23 AM

currency printing press igm recruitment 2026 94 posts

நாணயங்கள், நோட்டுகள் மற்றும் பாதுகாப்பு அச்சு பணிகளில் ஈடுபடும் இந்திய அரசின் முக்கிய நிறுவனம் இந்திய கவர்ன்மென்ட் மிண்ட் 2026ஆம் ஆண்டிற்கான வேலைவாய்ப்பு அறிவிப்பை வெளியிட்டுள்ளது.

இந்த அறிவிப்பின் மூலம் மொத்தம் 94 காலியிடங்கள் நிரப்பப்பட உள்ளன. தொழில்நுட்ப மற்றும் அலுவலகப் பணிகளை இணைக்கும் இந்த ஆட்சேர்ப்பு, மத்திய அரசு வேலை நாடுவோருக்கு முக்கிய வாய்ப்பாக பார்க்கப்படுகிறது.

ADVERTISEMENT
காலியிடங்கள் விவரம்

அறிவிப்பின்படி பல்வேறு பதவிகளில் பணியிடங்கள் அறிவிக்கப்பட்டுள்ளன:

  • சூப்பர்வைசர் (டெக்னிக்கல் பிரிவுகள்)
  • ஜூனியர் டெக்னீஷியன் (பல்வேறு ட்ரேட்கள்)
  • ஜூனியர் ஆபிஸ் அசிஸ்டன்ட்
  • ஜூனியர் புல்லியன் அசிஸ்டன்ட்
  • எங்க்ரேவர் மற்றும் லேபரட்டரி அசிஸ்டன்ட்

இந்த பணியிடங்கள் மும்பை, கொல்கத்தா, ஹைதராபாத் மற்றும் நொய்டா உள்ளிட்ட மிண்ட் நிலையங்களில் நிரப்பப்படுகின்றன.

ADVERTISEMENT

வரும்  27 ஏப்ரல் 2026 வரை நீங்கள் ஆன்லைனில் விண்ணப்பிக்கலாம்.

தகுதி மற்றும் வயது வரம்பு

பதவியைப் பொறுத்து கல்வித் தகுதி மாறுபடும்:

ADVERTISEMENT
  • டெக்னீஷியன்: தொடர்புடைய ஐடிஐ சான்றிதழ்
  • சூப்பர்வைசர்: டிப்ளமோ அல்லது இன்ஜினியரிங் பட்டம்
  • அலுவலக பணிகள்: பட்டப்படிப்பு

வயது வரம்பு பொதுவாக 18 முதல் 25, 28, 30 வயது வரை பதவியின்படி மாறுபடும். அரசு விதிகளின்படி தளர்வும் வழங்கப்படும்.

தேர்வு முறை

இந்த ஆட்சேர்ப்பில் தேர்வு, கம்ப்யூட்டர் அடிப்படையிலான எழுத்துத் தேர்வு, திறன் / ட்ரேட் தேர்வு, டைப்பிங் டெஸ்ட் (சில பணிகளுக்கு), சான்றிதழ் சரிபார்ப்பு, மருத்துவ பரிசோதனை மூலம் நடைபெறும்.

சம்பளம் மற்றும் பணியின் விவரங்கள்

இந்த பணியிடங்களுக்கு, ரூ.18,780 முதல் ரூ.95,910 வரை மாத சம்பளம் (பதவி அடிப்படையில்) வழங்கப்படும். மேலும், மத்திய அரசு பணியாளர்களுக்கு வழங்கப்படும் சலுகைகளும் கிடைக்கும்.

94 காலியிடங்களுடன் வெளியாகியுள்ள இந்த கரன்சி பிரிண்டிங் மற்றும் மிண்ட் வேலைவாய்ப்பு, தொழில்நுட்பம் மற்றும் நிர்வாக துறைகளில் மத்திய அரசு வேலை நாடும் இளைஞர்களுக்கு ஒரு சிறந்த வாய்ப்பாகும். குறுகிய காலக்கெடு உள்ளதால், தகுதியானவர்கள் உடனடியாக விண்ணப்பிப்பது முக்கியம்.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel