இந்தியாவில் கடந்த ஜனவரி 1-ந் தேதி முதல் இன்று காலை 8 மணி வரை கொரோனாவால் பாதிக்கப்பட்டோர் எண்ணிக்கை 7,154 ஆக உயர்ந்துள்ளது. COVID-19 Cases Rise to 7,154 in India; Death Toll Reaches 77
இந்தியாவில் உருமாறிய கொரோனா வைரஸ் பாதிப்பு தொடர்ந்து அதிகரித்து வருகிறது. கேரளா மாநிலத்தில்தான் கொரோனா பாதிப்பு எண்ணிக்கை அதிக அளவாக 2,165 ஆக பதிவாகி இருக்கிறது. குஜராத்தில் 1,281; டெல்லியில் 731 பேர் கொரோனா வைரஸால் பாதிக்கப்பட்டுள்ளனர். தமிழ்நாட்டில் மொத்த கொரோனா பாதிப்பு எண்ணிக்கை 231 ஆக உள்ளது.
கடந்த ஜனவரி 1-ந் தேதி முதல் இன்று காலை 8 மணி வரை கொரோனாவால் உயிரிழந்தோர் எண்ணிக்கை 77 ஆக அதிகரித்துள்ளது.
கொரோனா வைரஸ் பாதிப்பு எண்ணிக்கை அதிகரித்து வரும் நிலையில், முக கவசம் அணிவது உள்ளிட்ட கொரோனா கால தடுப்பு நடவடிக்கைகளை மேற்கொள்ள அறிவுறுத்தப்பட்டுள்ளது.