முதல்வர் விஜய்யின் தமிழக வெற்றிக் கழகம் (TVK) தலைமையிலான கூட்டணியின் பெயரை அறிவித்துள்ளார் ராஜ்யசபா இடைத் தேர்தலில் போட்டியிடும் காங்கிரஸ் கட்சியின் வேட்பாளர் பிரவீன் சக்கரவர்த்தி (Praveen Chakravarty).
தமிழகத்தில் காலியாக உள்ள 1 ராஜ்யசபா இடத்துக்கான இடைத் தேர்தல் ஜூன் 18-ந் தேதி நடைபெற உள்ளது. சட்டசபையில் அதிக எம்.எல்.ஏ.க்களைப் பெற்றுள்ள ஆளும் கட்சியான தவெக, கூட்டணி கட்சியான காங்கிரஸுக்கு 1 இடத்தையும் விட்டுக் கொடுத்துள்ளது.
காங்கிரஸ் கட்சியின் வேட்பாளராக பிரவீன் சக்கரவர்த்தி அறிவிக்கப்பட்டுள்ளார். தவெக- காங்கிரஸ் கூட்டணிக்கு உறவுப் பாலமாக இருந்தவர் என்பதால் பிரவீன் சக்கரவர்த்திக்கு இந்த வாய்ப்பு கிடைத்துள்ளது.
இந்த நிலையில் தமது எக்ஸ் பக்கத்தில் பதிவிட்டுள்ள பிரவீன் சக்கரவர்த்தி, “தமிழ்நாடு சமூக நீதி முற்போக்குக் (TVK+INC+VCK+IUML+CPI+CPM) கூட்டணியின் முதல் MP வேட்பாளராகத் தேர்ந்தெடுக்கப்பட்டதை பெருமையாகவும் பெரும் பொறுப்பாகவும் கருதுகிறேன்
என் மீது நம்பிக்கை வைத்த ராகுல் காந்தி மற்றும் தமிழக முதல்வர் விஜய்- க்கு மனமார்ந்த நன்றி.
தேர்ந்தெடுக்கப்பட்ட பிறகு, இந்திய நாடாளுமன்றத்தில் தமிழ் மக்களின் துணிச்சலான, விசுவாசமான மற்றும் நேர்மையான குரலாக ஒலிப்பேன் என்று லட்சக்கணக்கான கூட்டணித் தொண்டர்களுக்கு உறுதியளிக்கிறேன்” என தெரிவித்துள்ளார்.
