புதிய குற்றவியல் சட்டங்களுக்கு ஆங்கில பெயர்: மத்திய அரசு பதில் அளிக்க உயர் நீதிமன்றம் உத்தரவு: current affairs tamil new criminal laws
- மூன்று புதிய குற்றவியல் சட்டங்களுக்கு ஆங்கிலத்தில் பெயர் சூட்டக் கோரிய வழக்கில் மத்திய அரசு 4 வாரங்களில் பதிலளிக்க உயர் நீதிமன்றம் உத்தரவிட்டுள்ளது.
- இந்திய தண்டனைச் சட்டத்தை பாரதிய நியாய சன்ஹிதா என்றும், குற்ற விசாரணை முறைச் சட்டத்தை பாரதிய நகரிக் சுரக்ஷா சன்ஹிதா என்றும்
- இந்திய சாட்சிகள் சட்டத்தை பாரதிய சாக்ஷிய அதிநியம் என்றும் பெயர் மாற்றம் செய்து, பல்வேறு திருத்தங்களுடன் இந்த சட்டங்கள் நாடு முழுவதும் கடந்த ஜூலை 1-ம் தேதி முதல் அமல்படுத்தப்பட்டன.
இதற்கான காரணம்: current affairs tamil new criminal laws
- அரசியலமைப்பு சட்டத்துக்கு விரோதமாக, புதிய சட்டங்களுக்கு இந்தியில் பெயர் வைத்திருப்பது தவறானது என அறிவித்தது,
- புதிய சட்டங்களுக்கு ஆங்கிலத்தில் பெயர் வைக்கக் கோரி காஞ்சிபுரத்தைச் சேர்ந்த விவசாயியான ஜீவன்குமார் என்பவர் சென்னை உயர் நீதிமன்றத்தில் வழக்கு தொடர்ந்திருந்தார்.
- அதில் இந்திய அரசியலமைப்புச் சட்டத்தின் 348-வது பிரிவின்படி நாடாளுமன்றத்தின் அனைத்து குறிப்புகளும் ஆங்கிலத்தில் இடம் பெற்றிருக்க வேண்டும்.
- ஆனால் அதற்கு முரணாக இந்த 3 புதிய சட்டங்களின் பெயர்களும் இந்தியில் உள்ளன. மேலும் புதிய குற்றவியல் சட்டங்களின் பெயர்களைப் புரிந்து கொள்வதில் மட்டுமின்றி,
- உச்சரிப்பதிலும் சிரமம் உள்ளது. ஆகவே இந்தச் சட்டங்களை நாடு முழுவதும் உள்ள அனைத்து மக்களுக்கும் பொதுவாக ஆங்கிலத்தில் பெயர் மாற்றம் செய்ய வேண்டும் எனக் கோரியிருந்தார்.
உயர் நீதிமன்றம் உத்தரவு :
- இந்த வழக்கை நேற்று விசாரித்த பொறுப்பு தலைமை நீதிபதி டி.கிருஷ்ணகுமார் மற்றும் நீதிபதி கே.குமரேஷ்பாபு ஆகியோர் அடங்கிய அமர்வு,
- இது தொடர்பாக மத்திய அரசு 4 வாரங்களில் பதிலளிக்க வேண்டும் என உத்தரவிட்டு இந்த வழக்கை ஏற்கெனவே நிலுவையில் உள்ள மற்ற வழக்குகளுடன் சேர்த்து பட்டியலிட பதிவுத் துறைக்கு உத்தரவிட்டுள்ளனர்.
மாணவர்களுக்கான குறிப்பு:
1. UPSC Civil Service GS-3 தாள் மற்றும் கட்டுரை எழுதுவதற்கு உதவும்.
2. UPSC Civil Service Prelims மற்றும் TNPSC Group2 மற்றும் Group1 Prelimsக்கு உதவும்.
3. அறிவியல் சம்பந்தமான தாள்களுக்கு உதவிகரமாக இருக்கும்.
*இந்த செய்தித் தொகுப்பு UPSC, TNPSC Group 1, 2 போன்ற போட்டித் தேர்வுகளுக்கு தயாராகும் மாணவர்களுக்காக.
-பூஜா
செய்திகளை உடனுக்குடன் பெற மின்னம்பலம் வாட்ஸப் சேனலில் இணையுங்கள்….
இமாச்சலப் பிரதேசத்தில் மேக வெடிப்பால் பெருவெள்ளம் !