வம்சி இயக்கத்தில் அபிஷேக் அகர்வால் ஆர்ட்ஸ் தயாரிப்பில் ரவிதேஜா முதன்மை பாத்திரத்தில் நடித்துவரும் படம், “டைகர் நாகேஸ்வர ராவ்” . ஜிவி பிரகாஷ் குமார் இசையமைக்க, ஸ்ரீகாந்த் விசா வசனம் எழுதியுள்ளார். இப்படத்தில் ரவி தேஜாவுக்கு ஜோடியாக நூபுர் சனோன் மற்றும் காயத்ரி பரத்வாஜ் ஆகியோர் நடித்து வருகின்றனர்.
சில மாதங்களுக்கு முன்பு ராஜமுந்திரியில் உள்ள புகழ்பெற்ற ஹேவ்லாக் பாலத்தில் (கோதாவரி) ஃபர்ஸ்ட் லுக் போஸ்டர் மற்றும் கான்செப்ட் வீடியோவை படக்குழு வெளியிட்டனர். இதனால் படத்தின் மீதான எதிர்பார்ப்பு அதிகரித்தது.
தசரா பண்டிகை அன்று அக்டோபர் 20ஆம் தேதி வெளியிட திட்டமிட்டிருப்பட்டிருந்த நிலையில், இப்படம் தாமதமாகலாம் என செய்தி பரவியது. இந்நிலையில் தயாரிப்பு தரப்பு இச்செய்தியினை மறுத்து தசரா பண்டிகையில் உறுதியாக படம் வெளியாகுமென அறிவித்துள்ளனர்.
இதுகுறித்து தயாரிப்பு நிறுவனம், “அறிவிக்கப்பட்ட அக்டோபர் 20ஆம் தேதியில் டைகர் நாகேஸ்வர ராவ் வெளியாகாது என்று ஆதாரமற்ற தகவல் ஊடகங்களில் வெளியாகியுள்ளன. சில தீய சக்திகள் இந்த வதந்திகளைப் பரப்புகின்றன. ஏனென்றால் எங்கள் படம் ரசிகர்களிடம் பெரும் ஆர்வத்தை ஏற்படுத்தியுள்ளது மற்றும் தியேட்டர் சுற்றுச்சூழல் அமைப்பில் உள்ள பல்வேறு பங்குதாரர்களிடமிருந்து இப்படத்திற்கு முதல் முன்னுரிமை கொடுக்கப்படுகிறது, எந்த வதந்திகளையும் நம்ப வேண்டாம். சிறந்த சினிமா அனுபவத்தை உங்களுக்கு வழங்க நாங்கள் கடுமையாக உழைத்து வருகிறோம்” என விளக்கமளித்திருக்கின்றனர்.
இராமானுஜம்
உச்ச நீதிமன்ற தலைமை நீதிபதி நிராகரிப்பு: ஓ.பி.ஆர். எம்பி. பதவி இழப்பு!
மணிப்பூர் விவகாரம்: குடியரசுத்தலைவரிடம் நாங்கள் வைத்த கோரிக்கை!