கோல்டன் குளோப் விருதுக்கு ஆர்.ஆர்.ஆர் தேர்வு!

Published On:

| By Kavi

ராஜமவுலி இயக்கத்தில் ஜூனியர் என்.டி.ஆர், ராம் சரண், ஆலியா பட், ஸ்ரேயா, சமுத்திரக்கனி உட்பட பலர் நடிப்பில் இந்த வருடம் மார்ச் 25ம் தேதி வெளியான ஆர்ஆர்ஆர் படம் சுமார் 1000 கோடி ரூபாய் மொத்த வசூலை கடந்த படங்களின் பட்டியலில் இடம் பெற்றது.

ஆஸ்கார் விருதுக்கான போட்டிக்கு அனுப்பப்படும் இந்திய மொழி படங்களில் ஆர் ஆர் ஆர் படம் தேர்வாகவில்லை.

இருந்தபோதிலும் ராஜமவுலி தனது சொந்த முயற்சியில் ஆஸ்கார் விருதுக்கான தேர்வுப் பட்டியலில் இடம் பிடிக்க விண்ணப்பித்துள்ளார்.

சர்வதேச சினிமா கலைஞர்கள் ஆஸ்கர் விருதுக்கு அடுத்தப்படியாக உயரிய விருதாக, அங்கீகாரமாக கருதும் கோல்டன் குளோப் விருது விளங்கி வருகிறது.

Hollywood Foreign Press Association சார்பில் நடக்கும் இந்த விழா, வரும் ஜனவரி 10ம் தேதி லாஸ் ஏஞ்சல்ஸ் நகரில் நடைபெற உள்ளது.

இதையடுத்து விருதுக்காக இறுதியாக பரிந்துரை செய்யப்பட்டதில் 5 இடங்களை பிடித்த படங்களின் பட்டியல்கள் வெளியிடப்பட்டுள்ளன.

அதில் ராஜமௌலியின் ‘ஆர்ஆர்ஆர்’ திரைப்படம் ஆங்கில மொழி இல்லாத படத்திற்கான பிரிவிலும், நாட்டு நாட்டு பாடல், சிறந்த பாடல் பிரிவிலும் தேர்வாகியுள்ளன.

ஆலியா பட் நடித்த கங்குபாய் கத்தியவாடி, ரிஷப் ஷெட்டியின் காந்தாரா, செல்லோ ஷோ ஆகியப் படங்கள் விருதுக்கு அனுப்பப்பட்ட நிலையில், ‘ஆர்ஆர்ஆர்’ படம் மட்டுமே நாமினேஷனில் இடம்பிடித்துள்ளது.

இராமானுஜம்

டெஸ்ட் கிரிக்கெட்: ஆக்ரோஷமாக களமிறங்கும் இந்தியா

சூர்யா 42-வது படத்தில் திடீர் மாற்றம்!

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!
Join Our Channel