தலைவர் 171 அப்டேட்..! செம சர்ப்ரைஸ்..!

தமிழ் சினிமாவில் யுனிவர்ஸ் என்ற புது கான்செப்ட்டை தனது படங்களில் கொண்டு வந்து பல பெரிய நட்சத்திர நடிகர்களை இணைந்து நடிக்க வைத்து ரசிகர்களின் கவனத்தை ஈர்த்தவர் இயக்குனர் லோகேஷ் கனகராஜ்.

கார்த்தி நடித்த கைதி படத்தை கமல் ஹாசனின் விக்ரம் படத்துடன் இணைத்து இந்த டிரெண்டை தொடங்கி வைத்தார் லோகேஷ்.

இந்த ஐடியாவிற்கு Lokesh Cinematic Universe அதாவது LCU என்று ரசிகர்கள் பெயர் வைத்து கொண்டாட தொடங்கிவிட்டனர்.

லோகேஷ் செய்த சம்பவத்தில் மிக பெரிய சம்பவமே விஜய்யின் லியோ படத்தையும் LCU படங்களுக்குள் இணைத்தது தான். லியோ படத்திற்கு பின் இந்திய திரையுலகில் லோகேஷின் மவுஸ் கூடிவிட்டது.

LCU- வின் அடுத்த படமாக கைதி 2 வெளியாகும் என்று லோகேஷ் அறிவித்திருந்தார்.

இதற்கிடையில் தலைவர் 171 படத்தை இயக்கும் வாய்ப்பு கிடைத்ததால் தற்போது அந்த படத்தில் கவனம் செலுத்தி வருகிறார்.

தலைவர் 171 படத்தை சன் பிக்சர்ஸ் நிறுவனம் தயாரிக்கிறது. அனிருத் இந்த படத்திற்கு இசையமைக்கிறார்.

மேலும் LCU பட வரிசையில் ஒரு ஷார்ட் ஃபிலிம் வெளியாகும் என்றும் தெரிவித்தார்.

சமீபத்தில் ஸ்ருதி ஹாசன் இசையில் உருவான இனிமேல் என்ற பாடல் ஆல்பம் வீடியோவின் மூலம் நடிகராகவும் அறிமுகமாகி இருக்கிறார் லோகேஷ்.

இந்நிலையில் இன்று தலைவர் 171 படம் குறித்த அறிவிப்பு ரசிகர்களுக்கு சர்ப்ரைஸாக வெளியாகி இருக்கிறது.

தலைவர் 171 படத்தின் டைட்டில் அறிவிப்பு டீஸர் வரும் ஏப்ரல் 22 ஆம் தேதி வெளியாகும் என்று அறிவிக்கப்பட்டுள்ளது. இந்த அறிவிப்பை முன்னிட்டு ஒரு போஸ்டரையும் படக்குழு வெளியிட்டுள்ளது.