முற்போக்கு நடவடிக்கைகளுக்கு எப்போதும் முன்னுரை எழுதுவதில், இந்தியாவில் கேரள மாநிலம் முதன்மையான மாநிலமாகும். மத நல்லிணக்கம் நிறைந்த இந்த மாநிலத்தில்தான் பழமைவாத மதநம்பிக்கைகளை கடைபிடிப்போரும் அதிகமாக உள்ளனர். இத்தனை வேறுபட்ட குணாம்சங்கள் கொண்ட கேரள மாநிலத்தில் நிஜத்தை புறந்தள்ளிய மக்கள் நிழலுக்கு எதிராக யுத்த முரசு கொட்டி தொடங்கியுள்ளனர்.
நிஜமாக நடந்தது
எர்ணாகுளத்தை அடுத்து உள்ள ஆலுவா பகுதியை சேர்ந்த ஆதிலாவும், பாத்திமாவும் சிறுவயதில் இருந்தே நெருங்கிய தோழிகள். இருவரும் சவுதியில் படித்தபோது ஏற்பட்ட பழக்கம் காதலாகி இருக்கிறது.
இதனால் நீ இல்லை என்றால் நான் இல்லை. நான் இல்லை என்றால் நீ இல்லை என்ற ரீதியில் 2 பேரும் ஒன்றாக இருக்க தொடங்கினர். இருவருக்கிடையே லெஸ்பியன் உறவு ஏற்பட்டுள்ளது.
இதனால் கொந்தளித்த குடும்பத்தினர் இருவரையும் பிரித்தனர். பாத்திமாவை சவுதியில் இருந்து கேரளாவுக்கு அழைத்து வந்து விட்டனர். இதனால் செய்வதறியாது தவித்த ஆதிலா, கேரளாவுக்கு வந்து பாத்திமாவை கண்டுபிடித்து விட்டார்.
இதன் பின்னர் இருவரும் ஒன்றாக வாழ தொடங்கினர். ஆனால் பாத்திமாவின் குடும்பத்தினர் விடவில்லை.பாத்திமாவை, ஆதிலாவிடம் இருந்து மீண்டும் பிரித்து சென்று விட்டனர்.
இதனால் கோபத்தின் உச்சத்திற்கே சென்ற ஆதிலா கேரளா ஐகோர்ட்டை நாடினார். நாங்கள் இருவரும் சேர்ந்து வாழ ஆசைப்படுகிறோம். ஆனால் உறவினர்கள் அதற்கு தடையாக உள்ளனர்.
எங்களை சேர்ந்து வாழ அனுமதிக்க வேண்டும் என்று கோரிக்கை வைத்தனர். இதனை ஏற்றுக்கொண்ட கேரள ஐகோர்ட்டு இருவரும் சேர்ந்து வாழலாம் என்றும் உறவினர்கள் யாரும் எந்த விதத்திலும் இடையூறு செய்யக்கூடாது என்றும் அதிரடி தீர்ப்பை வழங்கியது.
படத்தில்…
இந்த தீர்ப்பு வந்து சில நாட்களே ஆன நிலையில் சினிமா மூலமாக இன்னொரு லெஸ்பியன் ஜோடி கதை புதிய புயலை கிளப்பி உள்ளது. ‘ஹோலி வூண்ட்’ (புனித காயம்) என்ற பெயரில் மலையாளத்தில் தயாரிக்கப்பட்டு உள்ள படத்தின் டிரைலர் வெளியாகி கேரள மாநில இளைஞர்கள் மத்தியில் படம் எப்போது வரும்? என்கிற எதிர்பார்ப்பை ஏற்படுத்தி உள்ளது.
HOLY WOUND’ என்ற பெயரில் உருவாகியிருக்கும் இந்தப் படம் பெண் ஓரினச் சேர்க்கையை மையமாக வைத்து உருவாகியுள்ளது. இந்தப் படத்தில் ஜானகி சுதீர், அம்ருதா வினோத் இருவரும் கதையின் நாயகிகளாக நடித்துள்ளனர். அசோக் ஆர்.நாத் இயக்கியிருக்கிறார்.சமீபத்தில் இந்தப் படத்தின் டீசரும், ட்ரெயிலரும் வெளியானது.
ட்ரெயிலர் வெளியான நிமிடத்தில் இருந்து இப்போது வரையிலும் ட்ரெண்டிங்கிலேயே இருந்து வருகிறது இத்திரைப்படம். அந்த அளவுக்கு அந்த ட்ரெயிலரில் லெஸ்பியன் காட்சிகளும், உடல் உறவு காட்சிகளும் வெளியாகியுள்ளன.
படத்தின் ட்ரெய்லரில் 2 பெண்கள் காமதாகத்தில் தவிப்பதுபோல படுசூடாக காட்சிகள் இடம் பெற்றுள்ளன. தண்ணீர் சூழ்ந்துள்ள பகுதியில் ட்ரெய்லர் படமாக்கப்பட்டிருக்கும் விதமும், கன்னியாஸ்திரி வேடத்தில் இருக்கும் பெண், இன்னொரு பெண்ணின் உதட்டோடு உதடு வைத்து முத்தம் கொடுப்பது போலவும் காட்சிகள் படமாக்கப்பட்டுள்ளன.
கிறிஸ்தவர்கள் மத்தியில் இந்த படத்தின் ட்ரெய்லர் கடும் எதிர்ப்பை ஏற்படுத்தி உள்ளது.
ட்ரெய்லரே இப்படி சூட்டை கிளப்பியுள்ள நிலையில் முழு படமும் எப்படி இருக்க போகிறதோ? என்கிற எதிர்பார்ப்பு ஏற்பட்டிருக்கிறது.
லெஸ்பியன் உணர்வு கொண்டவர்களும், தன்பாலின ஈர்ப்பு கொண்டவர்களும், மனிதர்கள் தான். அவர்கள் பற்றி வேறு விதமாக சிந்திக்க கூடாது என்பதை படம் உணர்த்துகிறது என்று சினிமா குழுவினர் கூறி இருக்கிறார்கள்.
அடுத்தடுத்து இப்படி கேரளாவில் அனல் பறக்கும் விவகாரங்கள் அரங்கேறிக் கொண்டிருக்கும் சூழலில் இளம் ரசிகர்களோ ‘ஹோலி வூண்ட்’ படத்தை காண ஆர்வமாக உள்ளனர். ஓ.டி.டி. தளத்தில் இந்த படம் வருகிற 12-ந் தேதி வெளியாக உள்ளது.
கிளாமர் இல்லாததால் படத்தை யாரும் வாங்கல : அமலா பால்
