Kalanidhi Maran surprised Nelson after Rajini

ரஜினியை தொடர்ந்து நெல்சனை சர்ப்ரைஸ் செய்த கலாநிதி மாறன்

சினிமா

 

ரஜினிகாந்த் நடிப்பில் நெல்சன் திலீப்குமார் இயக்கத்தில் வெளிவந்த ‘ஜெயிலர்’ திரைப்படம் மாபெரும் வெற்றி பெற்றதாக படத்தை தயாரித்த சன் பிக்சர்ஸ் நிறுவனம் அறிவித்துள்ளது.

இந்நிலையில், இதனை கொண்டாடும் விதமாக இயக்குநர் நெல்சனுக்கு ‘PORSCHE’ காரை படத்தின் தயாரிப்பாளர் கலாநிதி மாறன் அன்புப் பரிசாக இன்று (செப்டம்பர் 1) வழங்கி உள்ளார்.

நெல்சன் திலீப்குமார் இயக்கத்தில் ரஜினிகாந்த் நடிப்பில் கடந்த ஆகஸ்ட் 10-ம் தேதி வெளிவந்த திரைப்படம் ‘ஜெயிலர்’. தமன்னா, ரம்யாகிருஷ்ணன், சிவராஜ்குமார், மோகன்லால், சுனில், ஜாக்கி ஷெராஃப், யோகி பாபு, வசந்த் ரவி உள்ளிட்ட பலர் நடித்துள்ள இப்படத்துக்கு அனிருத் இசையமைத்துள்ளார்.

பான் இந்தியா முறையில் வெளியாகி உள்ள இப்படத்தை சன் பிக்சர்ஸ் நிறுவனம் தயாரித்துள்ளது. தற்போது திரை அரங்குகளில் வெற்றிகரமாக திரையிடப்பட்டு வருகிறது. இதுவரை இந்தப் படம் சுமார் 600 கோடி ரூபாய் வசூலித்துள்ளதாக தெரிவிக்கப்பட்டுள்ளது.

இந்தச் சூழலில் படத்தின் வெற்றியைக் கொண்டாடும் விதமாக நெல்சனுக்கு ‘PORSCHE’ காரை படத்தின் தயாரிப்பாளர் கலாநிதி மாறன் பரிசளித்துள்ளார்.

இது சர்ப்ரைஸ் பரிசாக வழங்கப்பட்டுள்ளது. இதன் வீடியோவை சன் பிக்சர்ஸ் நிறுவனம் தங்களுடைய எக்ஸ் பக்கத்தில் வெளியிட்டுள்ளது. முன்னதாக நேற்று நடிகர் ரஜினிக்கு BMW X7 பரிசாக வழங்கப்பட்டது குறிப்பிடத்தக்கது.

மு.வா.ஜெகதீஸ் குமார்

புர்ஜ் கலிஃபாவில் ‘ஜவான்’ ட்ரெய்லர்: அட்லி நெகிழ்ச்சி!

சீமானுக்கு சம்மன்!

+1
0
+1
0
+1
0
+1
4
+1
1
+1
0
+1
0

Leave a Reply

Your email address will not be published. Required fields are marked *