jayam ravi acts m kumaran movie 2
2015 ஆம் ஆண்டு இயக்குனர் மோகன் ராஜா இயக்கத்தில் நடிகர்கள் ஜெயம் ரவி, அரவிந்த் சாமி நடிப்பில் வெளியான “தனி ஒருவன்” மிகப் பெரிய ஹிட் படமாக அமைந்தது.
சமீபத்தில் தனி ஒருவன் 2 படத்தை இயக்குவதாக இயக்குனர் மோகன் ராஜா அறிவித்திருந்தார். இந்த அறிவிப்பை தொடர்ந்து தனி ஒருவன் 2 புரோமோ வீடியோவை படக்குழு வெளியிட்டது.
தனி ஒருவன் முதல் பாகத்தை தயாரித்த ஏ.ஜி.எஸ் என்டர்டெயின்மென்ட் நிறுவனம் தான் இரண்டாம் பாகத்தையும் தற்போது தயாரிக்கிறது.
தனி ஒருவன் படத்தில் ஜெயம் ரவிக்கு ஜோடியாக மட்டுமின்றி படத்தில் மிக முக்கிய கதாபாத்திரத்தில் நடித்த நடிகை நயன்தாரா இரண்டாம் பாகத்திலும் நடிக்கின்றார்.
மோகன் ராஜா – ஜெயம் ரவி காம்போவில் உருவாக உள்ள தனி ஒருவன் 2 படத்திற்கு எதிர்ப்பார்ப்பு அதிகரித்துள்ள நிலையில், தற்போது மற்றொரு சூப்பர் ஹிட் படத்தின் இரண்டாம் பாகத்தை இயக்க போவதாக மோகன் ராஜா கூறியுள்ளாராம்.
2004 ஆம் ஆண்டு மோகன் ராஜா இயக்கத்தில் வெளியான எம்.குமரன் S/O மகாலக்ஷ்மி படத்தின் இரண்டாம் பாகத்திற்கான கதை தயாராக உள்ளதாகவும் கூடிய விரைவில் எம்.குமரன் 2 படத்தின் பணிகளை தொடங்க உள்ளதாகவும் தகவல் வெளியாகி உள்ளது.
முதல் பாகத்தில் ஹீரோவாக ஜெயம் ரவி நடிக்க நதியா, அசின், பிரகாஷ் ராஜ் ஆகியோர் முக்கிய கதாப்பாத்திரங்களில் நடித்திருந்தனர்.
எம்.குமரன் 2 படம் முதல் பாகத்தின் தொடர்ச்சியா..? இல்லை புதிய கதையா? என்று தெரியவில்லை.
ஆனால் எம். குமரன் 2 படத்தில் நதியா இடம்பெற மாட்டார் என்று தெரிவிக்கப்பட்டுள்ளது.
தொடர்ந்து இரண்டு சூப்பர் ஹிட் படங்களின் இரண்டாம் பாகங்களை தனது உடன்பிறந்த தம்பியும், நடிகருமான ஜெயம் ரவியை வைத்து இயக்குனர் மோகன் ராஜா இயக்க போவதால் ரசிகர்கள் மத்தியில் அந்த படங்களின் மீதான எதிர்ப்பார்ப்பு அதிகரித்துள்ளது.
கார்த்திக் ராஜா
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
சென்னையில் வருமான வரி, அமலாக்கத்துறை சோதனை!
தொடர் மழை: தேயிலைக்கு உரமிடும் பணிகளில் நீலகிரி விவசாயிகள் தீவிரம்!
jayam ravi acts m kumaran movie 2
