துருவ நட்சத்திரம், தங்கலான் என அடுத்தடுத்து நடிகர் விக்ரமின் படங்கள் வெளியாக உள்ளது. தங்கலான் வரும் ஜனவரி 26 ஆம் தேதி வெளியாகும் என்று அறிவிக்கப்பட்ட அடுத்த நாளே சியான் 62 படம் குறித்த அப்டேட்டும் வெளியானது.
பண்ணையாரும் பத்மினியும், சேதுபதி, சிந்துபாத், சித்தா போன்ற படங்களை இயக்கிய இயக்குனர் அருண் குமார் சியான் 62 படத்தை இயக்குகிறார் என்று அதிகாரப்பூர்வமாக அறிவிக்கப்பட்டது. சியான் 62 படம் குறித்த அறிவிப்பு வீடியோவில் நடிகர் விக்ரம் செம மாஸ் ஆக என்ட்ரி கொடுத்தது, ‘தூள்’ பட ஆறுமுகம் கதாபாத்திரத்தை நினைவுபடுத்தும் வகையில் அமைந்தது.
இந்நிலையில் அடுத்ததாக நடிகர் விக்ரமின் சியான் 63 படத்தை ஹிப் ஹாப் ஆதி படத்தின் இயக்குனர் இயக்க உள்ளார் என்ற தகவல் வெளியாகி உள்ளது.
2022 ஆம் ஆண்டு நடிகர் ஹிப் ஹாப் ஆதி முதன்முறையாக இரட்டை வேடங்களில் நடித்து வெளியான படம் அன்பறிவு. இந்த படத்தை அஸ்வின் ராம் இயக்கியிருந்தார். டிஸ்னி பிளஸ் ஹாட் ஸ்டாரில் நேரடியாக வெளியான இந்த படம் எதிர்பார்த்த வெற்றியை பெறவில்லை.
தற்போது சியான் 63 படத்தை இயக்குனர் அஸ்வின் ராம் இயக்க உள்ளார் என்றும், லைகா புரொடக்ஷன்ஸ் நிறுவனம் சியான் 63 படத்தை தயாரிக்க உள்ளது என்றும் தகவல்கள் வெளியாகி உள்ளது. இந்த படத்திற்கான முதற்கட்ட பணிகளை இயக்குனர் அஸ்வின் ராம் தொடங்கியுள்ளார் என்றும் சொல்லப்படுகிறது.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
– கார்த்திக் ராஜா
“அவர்களுக்கு தெரியாது”: தோனி சொன்ன குட்டி ஸ்டோரி… வைரலாகும் வீடியோ!
மின் கட்டணம் குறைப்பு – இன்று முதல் அமலுக்கு வருகிறது!
