வெள்ளத்தில் சிக்கிய நடிகர்கள் அமீர்கானுக்கும், விஷ்ணு விஷாலுக்கும் நடிகர் அஜித்குமார் உதவியுள்ளார்.
மிக்ஜாம் புயல் காரணமாகச் சென்னையில் பல்வேறு இடங்களும் வெள்ளக்காடாகக் காட்சியளிக்கிறது. மக்கள் பலரும் வீட்டை விட்டு வெளியே வர முடியாமல் பாதிக்கப்பட்டுள்ளனர்.
இந்நிலையில் நடிகர் விஷ்ணு விஷால், காரப்பாக்கத்தில் உள்ள தனது வீடு உள்ளிட்ட பகுதிகளில் வெள்ளம் சூழ்ந்ததால் உதவி தேவை என்று தனது ட்விட்டர் பக்கத்தில் பகிர்ந்திருந்தார்.
அதில், “எனது வீட்டுக்குள் தண்ணீர் புகுந்துவிட்டது. காரப்பாக்கத்தில் தண்ணீர் அளவும் அதிகரித்துக் கொண்டே வருகிறது. உதவிக்கு அழைக்கிறேன். மின்சாரம் இல்லை. இணைய வசதி இல்லை. செல்போன் சிக்னல் இல்லை. மொத்தத்தில் எதுவுமில்லை.
மொட்டை மாடியில் ஓரிடத்தில் மட்டும் சிக்னல் கிடைக்கிறது. உதவிக்காகக் காத்திருக்கிறோம்” என்று குறிப்பிட்டிருந்தார்.
After gettting to know our situation through a common friend,
The ever helpful Ajith Sir came to check in on us and helped with travel arrangements for our villa community members…Love you Ajith Sir! https://t.co/GaAHgTOuAX pic.twitter.com/j8Tt02ynl2— VISHNU VISHAL – VV (@TheVishnuVishal) December 5, 2023
இந்த பதிவு இணையத்தில் வைரலானது. தொடர்ந்து மீட்பு படையினர் காரப்பாக்கத்துக்கு சென்று விஷ்ணு விஷால் மற்றும் அவருடன் இருந்த பாலிவுட் நடிகர் அமீர் கானையும் மீட்டுச் சென்றனர். இதனால், தமிழ்நாடு அரசுக்கு நன்றி தெரிவித்து விஷ்ணு விஷால் ஒரு பதிவை வெளியிட்டார்.
இந்நிலையில் இரவு 8.31 மணிக்கு ஒரு பதிவை போட்டுள்ளார் விஷ்ணு விஷால். அதில், ஒரு பொதுவான நண்பர் மூலம் எங்கள் நிலைமையை அறிந்து, எப்போதும் உதவும் குணம் கொண்ட அஜித் சார், எங்களைப் பார்க்க வந்தார். எங்கள் வில்லாவில் இருந்தவர்களுக்கும் எனக்கும் போக்குவரத்து உதவிகளை ஏற்பாடு செய்தார். லவ் யூ அஜித் சார்” என்று குறிப்பிட்டுள்ளார்.
இந்த பதிவோடு, அஜித், அமீர்கானுடன் எடுத்துக்கொண்ட புகைப்படத்தை விஷ்ணு விஷால் பகிர்ந்துள்ளார்.
இந்த புகைப்படம் தற்போது இணையத்தில் வைரலாகி வருகிறது.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
பிரியா
தெலங்கானா முதல்வர் ரேவந்த் ரெட்டி : காங்கிரஸ் அறிவிப்பு!
கனவு,காதல், போராட்டம்.. ஷாருக்கானின் “டன்கி” ட்ரெய்லர் எப்படி?
