நடிகை வரலட்சுமி சரத்குமார் நிச்சயதார்த்தம்

நடிகர் சரத்குமாரின் மகளும், நடிகையுமான வரலட்சுமி சரத்குமாரின் நிச்சயதார்த்தம் நேற்று (மார்ச் 1) மும்பையில் நடந்து முடிந்துள்ளது.

சிம்பு நடிப்பில் வெளியான ‘போடா போடி’ படத்தின் மூலம் தமிழில் அறிமுகமான வரலட்சுமி தொடர்ந்து ‘தாரை தப்பட்டை’, ‘சண்டக்கோழி 2’, ‘சர்கார்’, ‘வெல்வெட் நகரம்’ என ஏராளமான படங்களில் நடித்திருக்கிறார்.

தற்போது தனுஷின் ‘ராயன்’ படத்தில் முக்கிய வேடமொன்றில் நடித்து வரும் வரலட்சுமி விரைவில் திருமண வாழ்க்கையில் அடியெடுத்து வைக்கவிருக்கிறார்.

நேற்று வரலட்சுமிக்கும் தொழிலதிபர் நிகோலய் சச்தேவ் என்பவருக்கும் மும்பையில் நிச்சயதார்த்தம் நடந்து முடிந்துள்ளது. இதில் சரத்குமார், ராதிகா சரத்குமார் உட்பட நெருங்கிய உறவினர்கள், நண்பர்கள் மட்டுமே கலந்து கொண்டுள்ளனர்.