actress trisha plans to join congress

கொடி படத்தில் அரசியல்வாதியாக நடித்த த்ரிஷாவுக்கு அரசியல் ஆசை வந்துள்ளதாகவும், காங்கிரஸ் கட்சியில் இணையவுள்ளதாகவும் தகவல்கள் வெளியாகியுள்ளது.

தமிழ் திரையுலகின் முன்னணி நடிகையாக வலம் வரும் த்ரிஷா, தமிழ் மட்டுமின்றி தெலுங்கு திரையுலகிலும் கலக்கி வருபவர்.

வித்தியாசமான கதைக்களங்களை தேர்ந்தெடுத்து தனக்கென தனி முத்திரை பதித்துள்ள த்ரிஷாவிற்கு வயது 40-ஐ நெருங்கினாலும் இளமை குறையாமல் அதே அழகுடன் இருக்கிறார். அவருக்கென தனி ரசிகர் பட்டாளமே உண்டு..

தற்போது இயக்குனர் மணிரத்னத்தின் பிரம்மாண்ட இயக்கத்தில் உருவாகி வரும் ‘பொன்னியின் செல்வன்’ திரைப்படத்தில் குந்தவை தேவி கதாபாத்திரத்தில் நடித்தார். இந்தப் படம் வருகிற செப்டம்பர் 30-ம் தேதி திரைக்கு வர இருக்கிறது.

இதைத்தவிர மேலும் இவர் கைவசம் தமிழில் ராங்கி, கர்ஜனை, சதுரங்க வேட்டை2 போன்ற படங்களும், மலையாளத்தில் மோகன்லாலுக்கு ஜோடியாக ராம் எனும் படம், தெலுங்கில் பிருந்தா என்கிற வெப்தொடர் என மூன்று மொழிகளிலும் படுபிசியாக நடித்து வருகிறார் த்ரிஷா.