விஜய் நடிப்பில் லோகேஷ் கனகராஜ் இயக்கத்தில் வெளியான லியோ படத்திற்கு கலவையான விமர்சனங்கள் கிடைத்திருந்தாலும் வசூல் ரீதியாக மெகா ஹிட் படமாக அமைந்தது.
லியோ படத்தை தொடர்ந்து இயக்குனர் லோகேஷ் கனகராஜ் நடிகர் ரஜினியின் 171-வது படத்தை இயக்குகிறார். தலைவர் 171 படத்தை சன் பிக்சர்ஸ் நிறுவனம் தயாரிக்கிறது.
2024-ஆம் ஆண்டு மார்ச் மாத இறுதியில் அல்லது ஏப்ரல் மாத துவக்கத்தில் தலைவர் 171 படத்தின் படப்பிடிப்பு தொடங்கும் என்றும் இந்த படம் முழுக்க முழுக்க ஒரு எக்ஸ்பிரிமெண்டல் படமாக இருக்கும் என்றும் லோகேஷ் கனகராஜ் கூறியிருக்கிறார்.
மேலும் தலைவர் 171 படத்தில் ரஜினிக்கு வில்லனாக ராகவா லாரன்ஸ் நடிக்க போகிறார் என்று சமீபத்தில் ஒரு தகவல் வெளியானது.
இந்நிலையில், ராகவா லாரன்ஸை தொடர்ந்து தலைவர் 171 படத்தில் நடிகர் சிவகார்த்திகேயன் ஒரு முக்கிய கதாபாத்திரத்தில் நடிக்க உள்ளார் என்ற தகவல் தற்போது சமூக வலைதளங்களில் வைரலாக பரவி வருகிறது.
ராகவா லாரன்ஸ், சிவகார்த்திகேயன் ஆகிய இருவரும் தலைவர் 171 படத்தில் நடிக்க போகிறார்கள் என்ற அதிகாரப்பூர்வமான தகவல் இன்னும் வெளியாகவில்லை என்றாலும் லாரன்ஸ் – சிவகார்த்திகேயன் காம்போ தலைவர் 171 படத்தில் இடம்பெற்றால் செம மாஸாக இருக்கும் என்று ரசிகர்கள் சமூக வலைதளங்களில் தங்களது கருத்துகளை பதிவிட்டு வருகின்றனர்.
– கார்த்திக் ராஜா
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
பியூட்டி டிப்ஸ்: முகப் பருக்களைத் தவிர்க்க 10 வழிகள்!
டாப் 10 செய்திகள்: இதை மிஸ் பண்ணாதீங்க!
கிச்சன் கீர்த்தனா: வாழைப்பூ சீரகக் கஞ்சி
பேசுவது பிரபாகரன் மகள் துவாரகாவா?
