சுந்தர்.சி படத்தின் ஹீரோவான கவின்?

Published On:

| By Manjula

kavin sundar c kalakalappu 3

‘நட்புனா என்னான்னு தெரியுமா’, ‘லிஃப்ட்’, ‘டாடா’ ஆகிய படங்களுக்குப் பிறகு கவின் நடிப்பில் உருவாகி வரும் படம் ‘ஸ்டார்’.

இது கவினின் 4-வது படமாகும். ‘பியார் பிரேமா காதல்’ இளன் இயக்கத்தில் உருவாகி வரும் இந்த படத்திற்கு, யுவன் சங்கர் ராஜா இசையமைத்து வருகிறார்.

இந்த நிலையில் சுந்தர்.சி இயக்கத்தில் கவின் நடிக்கவிருப்பதாக உறுதியான தகவல்கள் வெளியாகியுள்ளன. அதன்படி ‘கலகலப்பு’ படத்தின் 3-வது பாகத்தில் கவின் நாயகனாக நடிக்கிறாராம்.

kavin sundar c kalakalappu 3

கடந்த 2௦12-ம் ஆண்டு சுந்தர்.சி இயக்கத்தில் வெளியான ‘கலகலப்பு’ படம் மிகப்பெரிய வெற்றி பெற்றது. இதையடுத்து 6 வருடங்களுக்கு பிறகு, இந்த படத்தின் 2-வது பாகம் கடந்த 2018-ம் ஆண்டு வெளியாகி ரசிகர்கள் மத்தியில் வரவேற்பையும், வசூலையும் அள்ளியது.

தற்போது மீண்டும் 6 ஆண்டுகளுக்கு பிறகு ‘கலகலப்பு’ படத்தின் 3-வது பாகத்தினை தயாரித்து, இயக்கிட சுந்தர்.சி முடிவு செய்துள்ளாராம்.

kavin sundar c kalakalappu 3

இதில் கவினுடன் இணைந்து நடிக்கும் இன்னொரு நடிகர் மற்றும் நடிக, நடிகையர், தொழில்நுட்பக் குழுவினர் குறித்த விவரங்களை விரைவில் சுந்தர்.சி அறிவிப்பார் என எதிர்பார்க்கப்படுகிறது.

கவின் நடிப்பில் உருவாகும் அவரின் 5-வது படத்திற்கு ‘கிஸ்’ என பெயர் சூட்டப்பட்டுள்ளது. இப்படத்தினை சதீஷ் இயக்க அனிருத் இசையமைக்கிறார். 6-வது படத்தினை நெல்சனின் உதவி இயக்குநர் சிவபாலன் இயக்க, நெல்சன் தயாரிக்கிறார்.

kavin sundar c kalakalappu 3

7-வது படத்தினை வெற்றிமாறனின் உதவி இயக்குநர் விக்ரனன் அசோகன் இயக்க, வெற்றிமாறனே தன்னுடைய கிராஸ் ரூட் பிலிம்ஸ் நிறுவனம் சார்பில் தயாரிக்கிறார். அவரின் 8-வது படமாக சுந்தர்.சி இயக்கத்தில் ‘கலகலப்பு’ 3-வது பாகம் உருவாகிறது.

இதையடுத்து மாரி செல்வராஜ் இயக்கத்தில் தன்னுடைய 9-வது படத்தில் நடிக்கிறார். தொடர்ந்து கவினின் 1௦-வது படத்தினையும் முன்னணி இயக்குநர் ஒருவர் இயக்கவிருப்பதாகக் கூறப்படுகிறது.

kavin sundar c kalakalappu 3

அடுத்தடுத்து முன்னணி இயக்குநர்கள் படங்களில் இணைந்துள்ளதால், இளம் ஹீரோவில் இருந்து அடுத்த கட்டத்திற்கு கவின் அடியெடுத்து வைத்துள்ளார்.

மேற்கண்ட படங்கள் ஹிட்டடிக்கும் பட்சத்தில் தமிழ் சினிமாவின் முன்னணி ஹீரோவாக, கவின் உயருவார் என்பது குறிப்பிடத்தக்கது.

-மஞ்சுளா

செய்திகளை உடனுக்குடன் தெரிந்து கொள்ள மின்னம்பலம் வாட்ஸ் ஆப் சேனலில் இணையுங்கள்…

செந்தில்பாலாஜி நீதிமன்ற காவல் 22வது முறையாக நீட்டிப்பு!

மண்ணுயிர்‌ காத்து மன்னுயிர்‌ காப்போம்‌ திட்டம்‌ : முழு விபரம்!

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!
Join Our Channel