தெலுங்கு சினிமாவில் வாரிசுகள் முன்னணி கதாநாயகர்களாக வெற்றிபெற்ற பின்னரும் அவர்களின் அப்பாக்கள் கதாநாயகர்களாக நடிப்பதை நிறுத்திக்கொள்ளவில்லை. அவர்களுக்கான வியாபாரமும், வசூலும் தொடர்கிறது.
அப்படிப்பட்ட ஹீரோக்களில் ஒருவர் நடிகர் நாகார்ஜுனா. இவர் தமிழ், இந்தி ஆகிய மொழி படங்களில் நடித்துள்ளார். இவரின் மகன்கள் நாகசைதன்யா, அகில் இருவரும் தெலுங்கில் வளர்ந்து வரும் முன்னணி நடிகர்களாக உள்ளனர்.
இவரது மனைவி அமலாவும் குணசித்திர வேடங்களில் நடித்து வருகிறார். நாகார்ஜுனா இப்போது இயக்குனர் பிரசன்ன குமார் இயக்கத்தில் உருவாக இருக்கும் படத்தில் கதாநாயகனாக நடிக்கிறார்.
இந்நிலையில் 63 வயதை கடந்த நாகார்ஜுனாவிற்கு ஜோடியாக இந்த படத்தில் 26 வயது இளம் கதாநாயகியான மானசா நடிக்கிறார். அவரை விட 37 வயது குறைந்த நடிகையுடன் நாகார்ஜுனா நடிக்கலாமா என வழக்கம்போல சமூக வலைதளங்களில் விமர்சனங்கள் எழுந்துள்ளன.
இராமானுஜம்
