கிச்சன் கீர்த்தனா – கேரட் முந்திரி ஸ்மூத்தி!

பானங்கள் புதுமையானவை மட்டுமல்ல… சத்துக்கும் சுவைக்கும் உத்தரவாதம் அளிப்பவை… குழந்தைகளின் ஆர்வத்தைத் தூண்டுபவை… சீனியர் சிட்டிசன்களின் பசி, தாகம் தீர்ப்பவை. கோடையில் ஜில் கொண்டாட்டங்கள் தொடர இந்த கேரட் முந்திரி ஸ்மூத்தி பெஸ்ட் சாய்ஸ்.

என்ன தேவை?

• முந்திரி – 4 டேபிள்ஸ்பூன்
• துருவிய கேரட் – 4 டேபிள்ஸ்பூன்
• பொடியாக நறுக்கிய பேரீச்சம்பழம் – 3 டேபிள்ஸ்பூன்
• தண்ணீர் – 2 கப்

எப்படிச் செய்வது?

முந்திரியை முதல் நாள் இரவே ஊற வைக்கவும். மறுநாள் நீரை வடித்துவிட்டு மற்ற பொருட்களுடன் சேர்த்து விழுதாக அரைக்கவும். விருப்பப்பட்டால் சாக்கோ துருவல் தூவவும். இந்த ஸ்மூத்தியை மல்ட்டிகிரெய்ன் பிரெஞ்ச் டோஸ்ட் உடன் பரிமாறலாம்.